Emna Frawes - آمنة فراوس

ثنيه كامله دوبه حكينا ...قعدت تحكيلي رايها في في فيلم و أنا نسمع في صوت  كنالو و نحبس في كلماتها في قلبي ،الي في الباب يعرفني و يعرفها سلم علينا الزوز بحراره

ظهرتلي غريبه ان عمرنا ما تقبلنا قبلنا.

نقزت عليا و قتلي *ياوحيد ساقيك ماخذه على البلاصه

شبيني منعرفكش من قبل؟ غريبة.

و لا انا زاده عمري ...كان اكا اليلة الي ...و سكت

إلي شنوا ...شباها ...اكا اليله شباها

خوذ الطاوله الي تعجبك هاني جاي ...

باش نقعد هوني ...بحذا الشباك  ...كيف تجي باش تحاوبني.

شتحب تشرب؟

امممم منعرفش ... اما اكيد مش قهوه(ضحكت)  ...خليني نخمم

نعبو آكا الضحكة...متخممش ... تحب نختارلك معايا الليلية انا نختار.

هات نشوف ...

على الكونتوار  وحيده ROSĖ

رجعت لطاولة...لقيتها حلت شعرها لفت لفة لتوا منفهمهاش كيفاش و نثرت على كتفها اليمين ...مشعلة سيقارو ....و تتفرج في الشتاء من الشباك.

اه...يا للا وين مشيت ...

هاني قدام عينيك ...

مريتكش تتكيف....

بالكيف..  كي نبدى شايخه نشعل سيقارو

سكت...حسيت روحي حاشم...اكثر من الحاشم.

اقعد.شبيك شبيك   teplantit لا لا ...شخذيت

اصبر...هاي جايا ...

شديت جنيها....مزلت بردانه...

لا مش برشه....المزيكا حلوه...نحبها لغنيا...

عاد حبيبكن هذا....

قصيت علينا السرفوز....تفضلو ...تحب تذوق...

ايا نواره ...ذوق وقلي رايك ...نتصور تحبها

مدامها اختيارك ...تعجبني

حلو منك هزان المورال ....georges baressens ...يورور  علينا...و هي طايره معاه طيران ...il suffit de passer le pont ...انا بيدي حبيت لغنايه...حبيتها...كي شفتها تغني فها ووتتمايل

معاها ...تتمايل في دلال...و تترشف بكيف كبير ...في مخي برشا حكيات نحب نبداهم معاها ...مفهمتش منين و كيفاش نبدى ....و لا شنوا نقول...زعمه...شنوا لحكيات الي

تحبهم...نحكيلها شويه نكت و نلعلبلها فها ضامر...كي تحسيني خفيف وومافيا ما يعجب...زعمه نعمل طرح سياسة اكيد كيف صاحبتها

شلزني نحكي في حاجه منجمهاش...

و منقدهاش...يطيروش بيا في ه الليله...اخطاني خليني نحكي في الموزيكا...على الممثلين ...نحكي علي نعرفهم و الي منعرفهومش..

نواره تخزل و ساكته... تعس على عينيه ...الشارده