Emna Frawes - آمنة فراوس

هو زاده ضحك ...

وقلي

__ماكش باش تقلي شنوا حكايتك ...جابد روحك...

+شي...تنجم تقول حاله من الملل...قالق...

---نحسك تخمم ...

+يا راجل...بلاهي واحد كيفي فاش عند يخمم...

صدقني كيما حكيتلك...

نحبك تكون بخير...و كان فما حاجه قلي راك عشيري....قوم نمشو نخدمو.الدنيا متنجمش تعاركها وحدك ...

قمت ...كلام يرن في وذنيا ...

و ثنيه خذاتنا بحكاياتها لين وصلنا للبيرواتنا

كل واحد فينا ... شد بيروه... يخدم على روحو

انا مخدمتش ....السوايع عليا طوال ...نستنى في السته...

علاش نستنى ...انا بطبيعتي مش ماشي ...اش مهزني كيف تجبد بيا و متجيش و الا تعملي كالافلام المصريه تجيبلي صحابها يضحكو عليا .

شبيني نهز و نصبط مانمشيش و اكهو.السوايع قطره قطره...يضرب في  مخي ...

و أنا هكا ...هدت عليا دنيا هي بن عمي هيا تقطع معانا...فاصعين ...نعملولها همله...

وليت نضحك ...يا مهبوله...عندك وحشة كبيرة

اي باين عليك... ايا تقوم عاد ...تمشيش و الا ...

موتت بضحك ...باهي ...باهي تي هاك وليت تخوف.

قطعنا من الخدمة على راي دنيا ... مشينا لحلق الواد ضحكنا و لعبنا و فدلكنا و غنينا أما عيني ما هفتتش كل ربع ساعة نعمل طلة على المنقالة ...نعس على الوقت الربعة متع العشية

ضربت و انا تمهمششت ...مفهمتش كيفاش نقلهم راهو لازمني نمشي...

توترت ...وبدا يضهر عليا...

دنيا ذكيه سألتني كان تعبت و أنحب إروح .

حسيت انها تعرف أما تذاكى عليا.

رواحنا نتبادل في الحكيات انا كنت نص معاهم ونص مع السينما.

هبط قدام الدار.

حليت الباب و دخلت ...جريت نعزت حوايج ...قعدت كيما ولدتني امي و دخلت لدوش...

خرجت ...لقلص هبط قدامي ...لحوايج الكل مفروتين ...مفهمتش اش نلبس ...توا الخمسة... و انا مش حاضر... نمشيش نوصل مخر من أول  rendez vous.

بزهري نهار كينو الربيع .لبست مريول صوف خفيف اخضر عندي كيف توا.فوقهم veste الدجين  ... معاه سروالي الدجين لكحل convers  noir.

خرجت من الدار.  ABC يستنى فيا .

خليني نزرب قبل مايبدى  الفيلم

إنشالله الفيلم  يبدى في وقت ...عمري 26سنة

و أول مره باش ندخل  لفيلم في سينيما.