على شنية تحبني نحكيلك وشنية تحبني نوصفلك ؟

تسأل فيا على جديدي و أخباريد باهي شد عندك ماﻻ كان قلبك كاسح و أسمعني للخر :  بشخصيتك وطبيعتك المقرفة وين تحب توصل!!  تحب تبينلي لي أنت محلاك وماتتخسرش ؟

لا أنت خسرتني أنا  مالبارح  مش من ليوم ؛ قلبي إلي كان حافرلك تصويرتك فيه مات تعرف شمعناها مات ماو ؟ معادش يدق ليك.  تحرر منك ومن كل حاجة خايبة فيك أنت لي كنت كل حاجة باهية راسمتها في حلمتي عايشة باها في خيالي وواقعي.. 

لين فقت منها بصدمة وقتها تأكدت إلي مفماش منها في الواقع تقعد كان في الخيال  أنت الخاين إلي توجع وتبكي وترجع ترضي أنت الي كنت تنجم تخرجني من كل حزن أنا فيه أما نسيت لي أنت سبب أحزاني.  

أنت لي نراك في كل راجل متعدي قدامي على  كنت نراهم لكل فيك بتصويرتك الباهية  ..

أنت  الي خترت تمشي وتبعد في طريق بلاش بيا.

-نجم نقلك سامحني  ومزال الوقت إلي نجم نضمدلك فيه كل جرح خليتهولك

-لا منحبكش تطلب مني السماح أنت الراجل إلي مايطبسش راسو ويقول راني غالط.  انا بش نطلب من روحي السماح عل الوقت لي ضيعتو معاك.  ونقلك ابعد من ثنيتي حياتي بلاش بيك ماتاقفش