التفاصيل قاتلة،  مؤلمة،  مدمرة.... أتألمك الكدمات و الركلات و العض يا صديقي؟؟! أما أنا فتأليمني التفاصيل بل تقتلني و تصيب قلبي بنصل مسموم فلا يقدر الجسد على الحركة ، تنحبس الدموع في المحجر ، يصمت كلامي و ثرثرتي و ضجيجي على أنغام مرثيتي يتجمد الدم في عروقي  . و ها أنا غريق لم يجد قارب النجاة و ها أنا عطشان لم يجد سراب ليكون أمله الوحيد ألذي لا أمل فيه . و أتوه أنا في تفاصيل  لم تقل،  لم تكتب ، لم تذكر يوما ....

غريبة أنا يا صديقي أعرف  و الأغرب من ذلك تفاصيلي  ألتي أبحث عنها في حديث صباحي،  في رسالة شوق فجئية،  في إهتمام مبالغ فيه . أنا لا يأليمني يا صديقي الهجر و الرحيل أو الكلام الجارح أو حتى النظرات القاسية و الجو المشحون بل يقتلني نصف الحضور و الكثير من التفاصيل .

سعدي سعد و سعدي سعد و عندي ولدي خير من ألف ولد سعدي بيه سعدي بيه أما الوحش قطع قلبي عليه .

الوحش وحش و ولدي صغير و حتى في ماكلتو ما يحير لا لا ولدي شخنان،  وليدي الغالي ما يحب كان الحاجة الباهية،  صحة عليه و كل شيء يواتيه ، خمسة و خميس عليه أما زعما شنيا حالو و حوالو  ...

زعما بردان و إلا متغطي،  زعما كلااا ، إن شاء الله ما تكونش الماكلة حارة نعرفو ما يحبش الحار و إن شاء الله موش صفراء ماصطة نعرفو ما يحبش الحار .

الوحش وحش كبير يا وليدي و إنت طفل الصغير  و الطريق إلي مشيتو في الدنيا قصير يا كبدتي قدامك دروجات و صعادي خوذ نفس و أخزر لخطوتك مليح مليح ،

الوحش وحش كبير يحرق الذكريات و يشعلهم في الجواجي يدفي القلب بنارهم و يشعل نار وجيعة ما توفاش،  لا توفى أكيد توفى بتعنيقة حنينة و بوسة مرصوصة.  يدفى القلب بالنار الشاعل بيه و تبرد ليدين تبرد و تبرد حتى فين تيبس كي ما تلقاش شكون يدفاها... يهز  ابن آدم رأسو لفوق ما يلقى كان سقف ، سقف غير سقفو ، يتلفت على جنابو و يشوف تصاور ما يعرفهاش،  الفرش موش فرشو،  و البيت موش بيتو ، يتغطى و يسكر على روحو كي صغير في كرش أمو و يغمض عينيه ، و تجي قدامو لعايلة و لأصحاب

هي حلمة بعدتو و طريق مشى فيه و قرار ما يرجع كان و حلمتو بين يديه،  أما الفراق صعيب و الوحش أصعب،  و الليالي طوال،  و ليالي الشتاء أطول و اليالي صعاب و ليالي الغربة أصعب .

على خاطر نحنا نعطيو الحياة ما نجموش نحملو حاجة خايبة،  على خاطرنا برشا حب و برشا أمل ما نخافوش و نحميو رواحنا و نعالجو رواحنا نشدو الورم و نقلعوه من عروقو و نبقاو نقاومو خاطرنا مصدر الحياة نحنا ما نفناوش حتى كان العشرات و إلا مئات  منا قاعدين يمرضو و إلا يتوجعو  نحنا المرض ما يغلبناش خاطرنا نساء ،

ما نفناوش خاطر العالم بلا بينا يفنى، 

ما نفناوش خاطر نحبو نعيشو و نحبو نعطيو الحياة،