ﻣﺆﺳﺴﺘﻨﺎ ﺍﻟﺘﺮﺑﻮﻳﺔ
Syrine Khlifi - سيرين خليفي، ﻋﻤﻮ ﺍﻟﺸﺎﻫﺪ ﻫﺎﻭ ﻃﺎﺭ ﺳﻲ ﺟﻠﻮﻝ ﻭ ﻫﺎﻧﺎ ﻧﺴﺘﻨﺎﻭ ﻓﻲ ﺍﻻﺻﻼﺣﺎﺕ ﻭ ﺍﻟﺤﻠﻮﻝ
ﻧﺴﺘﻨﺎﻭ ﻓﻲ ﺍﻟﻘﺮﺍﺭﺍﺕ ﻭ ﻧﺴﺘﻨﺎﻭ ﻓﻲ ﺗﺤﺮﻛﺎﺕ ﺳﻲ ﺳﻠﻴﻢ ﺍﻟﻤﺴﺆﻭﻝ
ﻭ ﻧﺴﺘﻨﺎﻭ ﻓﻴﻪ ﺷﻌﻨﺪﻭ ﻳﻘﻮﻝ
، ﻋﻤﻮ ﺍﻟﺸﺎﻫﺪ ﺍﻟﺘﺤﻮﻳﺮﺍﺕ ﺍﻟﻮﺯﺍﺭﻳﺔ ﻭ ﺍﻟﻘﺮﺍﺭﺍﺕ ﺍﻟﺮﺳﻤﻴﺔ
ﺑﺈﻗﺎﻟﺔ ﻭﺯﻳﺮ ﺍﻟﺘﺮﺑﻴﺔ ﻭ ﺍﻟﻌﻤﻞ ﻣﻌﺎ ﻻﺭﺳﺎء ﺍﻟﺪﻳﻤﻘﺮﺍﻃﻴﺔ
ﻭ ﺗﻮﻓﻴﺮ ﻣﻨﺎﺥ ﻣﻨﺎﺳﺐ ﻟﻠﺘﻠﻤﻴﺬ ﺍﻟﻲ ﻓﻲ ﺍﻟﻤﺆﺳﺴﺔ ﺍﻟﺘﺮﺑﻮﻳﺔ
ﻛﻞ ﻣﺮﺓ ﻳﺰﻳﺪ ﻳﻀﻴﻊ ﻭ ﻳﻜﻮﻥ ﻫﻮ ﺍﻟﻀﺤﻴﺔ
ﻓﻲ ﻇﻞ ﺩﻭﻟﺔ ﺗﺴﻴﺮ ﺑﺎﻟﻌﻨﻒ ﻭ ﺍﻟﻬﻤﺠﻴﺔ
ﻟﻴﺲ ﻋﻤﻞ ﻋﻠﻰ ﺗﻐﻴﻴﺮ ﺟﺬﺭﻱ ﺃﻭ ﺍﺻﻼﺣﺎﺕ ﺟﻮﻫﺮﻳﺔ
ﻭ ﻣﺎﺗﻨﺴﺎﺵ ﺍﻟﺘﺤﺮﻛﺎﺕ ﺍﻟﺘﻠﻤﺬﻳﺔ ﻭ ﺍﻟﻲ ﻛﻞ ﺗﻠﻤﻴﺬ ﻓﻲ ﺍﻟﺠﻤﻬﻮﺭﻳﺔ ﺍﻟﺘﻮﻧﺴﻴﺔ
ﻟﻪ ﺣﻖ ﺑﻨﻈﺎﻡ ﺗﻌﻠﻴﻤﻲ ﻭﻳﻦ ﻛﻞ ﺣﺪ ﻓﻴﻨﺎ ﻳﺘﺤﻤﻞ ﻛﺎﻣﻞ ﺍﻟﻤﺴﺆﻭﻟﻴﺔ
ﺳﻮﻯ ﻓﻲ ﻣﺪﺭﺳﺔ ﺍﺑﺘﺪﺍﺋﻴﺔ ﺍﻭ ﺍﻋﺪﺍﺩﻳﺔ ﺍﻭ ﺛﺎﻧﻮﻳﺔ
ﻭ ﺍﻟﻲ ﺍﻟﺘﻌﻠﻴﻢ ﺍﻟﻴﻮﻡ ﻓﻲ ﺑﻼﺩﻧﺎ ﻳﺰﻳﺪ ﻣﻦ ﺍﺣﺘﺪﺍﺩ ﺍﻟﺘﻔﺮﻗﺔ ﺍﻻﺟﺘﻤﺎﻋﻴﺔ
ﻭ ﺍﻟﻲ ﺷﻔﻨﺎ ﻓﻴﻪ ﻋﺪﻳﺪ ﺍﻟﺘﺠﺎﻭﺯﺍﺕ ﺍﻻﺧﻼﻗﻴﺔ
ﻭ ﺍﻟﻲ ﻣﻦ ﺍﻟﻤﻔﺮﻭﺽ ﻳﻜﻮﻥ ﻣﻜﺎﻥ ﻟﻠﺴﻠﻮﻙ ﺍﻟﻘﻮﻳﻢ ﻭ ﺍﻟﻘﻴﻢ ﺍﻟﺤﻀﺎﺭﻳﺔ
ﻭ ﺍﻻﺻﻼﺡ ﺍﻟﺘﺮﺑﻮﻱ ﺍﻟﻲ ﻣﺸﻔﻨﺎ ﻣﻨﻮ ﻛﺎﻥ ﺗﻐﻴﻴﺮ ﺍﻟﻌﻄﻞ ﺍﻟﻤﺪﺭﺳﻴﺔ ﻭ ﺍﻟﺘﺤﺮﻛﺎﺕ ﺍﻟﻲ ﺗﺄﻛﺪ ﻋﺪﻡ ﺭﺿﻰ ﺍﻟﺘﻠﻤﻴﺬ ﻋﻠﻰ ﺍﻭﺿﺎﻋﻮ ﺍﻟﺤﺎﻟﻴﺔ
ﻭ ﻣﻨﻨﺴﺎﻭﺵ ﺍﻟﻲ ﺍﻟﺘﻌﻠﻴﻢ ﻣﺠﺎﻧﻲ ﻭ ﻳﺮﺍﻋﻲ ﻛﻞ ﻇﺮﻭﻑ ﺍﻟﺸﻌﺐ ﺍﻟﻤﻌﻴﺸﻴﺔ
ﻭ ﺍﻟﻲ ﺍﻟﺘﻠﻤﻴﺬ ﻳﻨﺠﻢ ﻳﻨﺠﺢ ﺑﺎﻟﺮﺷﻮﺓ ﺍﻭ ﺍﻟﺪﺭﻭﺱ ﺍﻟﺨﺼﻮﺻﻴﺔ
ﻭ ﺍﻟﻲ ﻗﺎﻟﻮ ﺗﻤﻨﻌﺖ ﻭ ﺗﻨﺠﺮ ﻋﻨﻬﺎ .. ﺗﺘﺒﻌﺎﺕ ﻗﺎﻧﻮﻧﻴﺔ
ﺗﻲ ﻣﺎﻭ ﺍﺣﻨﺎ ﻋﻤﻮ ﺍﻟﺸﺎﻫﺪ ﻓﻲ ﺩﻭﻟﺔ ﻗﺎﻧﻮﻥ ﻭ ﺣﺮﻳﺔ
ﻭ ﻣﺆﺳﺴﺎﺕ ﺗﺮﺑﻮﻳﺔ ﺗﻌﻠﻴﻤﻴﺔ كل ﻣﺮﺑﻲ ﻓﻴﻬﺎ ﻳﺨﺪﻡ ﺑﻜﻞ ﺟﺪﻳﺔ ..
.. ﺍﻟﺘﻠﻤﻴﺬ ﺍﻟﻴﻮﻡ ﻃﺎﻗﺎﺗﻮ ﻭ ﺃﻓﻜﺎﺭﻭ ﺍﻻﺑﺪﺍﻋﻴﺔ ﻭ ﺗﻄﻠﻌﺎﺗﻮ ﻭ ﻧﻈﺮﺗﻮ ﺍﻻﺳﺘﺸﺮﺍﻓﻴﺔ ﺍﻟﻤﺴﺘﻘﺒﻠﻴﺔ
ﻣﺘﺘﻮﺍﻓﻘﺶ ﻣﻊ ﻗﺮﺍﺭﺍﺗﻜﻢ ﺍﻟﻔﺎﺷﻠﺔ ﻣﻦ ﺍﻻﺻﻼﺣﺎﺕ ﺍﻟﺘﺮﺑﻮﻳﺔ
ﺇﺿﺎﻓﺔ ﺍﻟﻰ ﺍﻧﻮ ﺍﻟﺘﻠﻤﻴﺬ ﻣﻌﺎﺵ ﻳﻨﺠﻢ ﻳﻌﺒﺮ ﻋﻠﻰ ﺁﺭﺅﻭ ﺑﻜﻞ ﺃﺭﻳﺤﻴﺔ ..
ﺍﻟﻨﻈﺎﻡ ﺍﻟﺘﻌﻠﻴﻤﻲ ﺍﻟﻴﻮﻡ ﻳﺨﺮﺟﻠﻚ ﺃﺟﻴﺎﻝ ﺟﺎﻫﻠﺔ ﺑﺎﻟﻘﻀﻴﺔ ﺍﻟﻔﻠﺴﻄﻴﻨﻴﺔ
ﻭ ﻳﺨﺮﺟﻠﻚ ﺃﺟﻴﺎﻝ ﺗﺠﻬﻞ ﺛﻘﺎﻓﺘﻨﺎ ﺍﻟﻌﺮﺑﻴﺔ ﺍﻻﺳﻼﻣﻴﺔ
ﻭ ﻻ ﺗﻌﻠﻢ ﻋﻠﻰ ﺗﻮﻧﺲ ﺳﻮﻯ ﻣﻮﻗﻌﻬﺎ ﺍﻻﺳﺘﺮﺍﺗﻴﺠﻲ ﻭ ﺍﻃﻼﻟﺘﻬﺎ ﻋﻠﻰ ﺍﻟﻘﺎﺭﺓ ﺍﻻﻭﺭﻭﺑﻴﺔ
ﻭ ﺗﻼﻣﺬﺓ ﻳﻌﻄﻮﻥ ﺍﻟﻔﻀﻞ ﻟﻠﻘﻮﺍﺕ ﺍﻻﺳﺘﻌﻤﺎﺭﻳﺔ ﻻﺧﺮﺍﺟﻨﺎ ﻣﻦ ﻇﻠﻤﺎﺕ
ﺍﻟﺠﻬﻞ ﻭ ﺍﻷﻣﻴﺔ ﻧﺎﺳﻴﻦ ﻣﺎ ﻣﺮﺭﻧﺎ ﺑﻪ ﻣﻦ ﻗﻬﺮ ﻭ ﺍﺳﺘﺒﺪﺍﺩﻳﺔ
ﻭ ﻣﺎ ﻣﺎﺯﻟﻨﺎ ﻧﻌﺎﻧﻲ ﻣﻨﻪ ﻣﻦ ﻋﺒﻮﺩﻳﺔ ﺍﻗﺘﺼﺎﺩﻳﺔ ﻭ ﺃﺯﻣﺎﺕ ﻣﺎﻟﻴﺔ..
ﻋﻤﻮ ﺍﻟﺸﺎﻫﺪ ، ﺍﻟﻮﺿﻊ ﻳﺘﻄﻠﺐ ﻗﺮﺍﺭﺍﺕ ﻓﻮﺭﻳﺔ
ﻭ ﺍﺟﺘﻤﺎﻋﺎﺕ ﺗﻠﻤﺬﻳﺔ
ﺗﻘﺪﻣﻠﻚ ﺍﻟﺤﻠﻮﻝ ﻻﺭﺟﺎﻉ ﺍﺳﻢ ﺍﻟﻤﺆﺳﺴﺔ ﺍﻟﺘﺮﺑﻮﻳﺔ ﺍﻟﺘﻌﻠﻴﻤﻴﺔ ﺍﻟﺘﻮﻧﺴﻴﺔ ..
ﻭ ﺍﻟﺘﺎﺭﻳﺦ ﺑﺎﺵ ﻳﻘﻌﺪ ﻳﺸﻬﺪ ﻋﻠﻴﻚ ﻭ ﻋﻠﻴﺎ
ﺧﺎﺗﺮ ﺍﻟﺘﻠﻤﻴﺬ ﺍﻟﺘﻮﻧﺴﻲ ﺭﺍﻭ ﻓﺪ ﻣﻦ ﺍﻟﻘﺮﺍﺭﺍﺕ ﺍﻟﺘﻌﺴﻔﻴﺔ
ﻭ ﻋﺪﻡ ﺳﻤﺎﻉ ﺻﻮﺗﻮ ﻣﻦ ﻗﺒﻞ ﺍﻻﻃﺮﺍﻑ ﺍﻟﻤﻌﻨﻴﺔ
ﻭ ﺗﻬﻤﻴﺸﻮ ﺑﺘﻌﻠﺔ ﺍﻧﻮ ﺃﻓﻜﺎﺭﻭ ﻣﺘﺴﺎﻋﺪﻧﺎﺵ ﻓﻲ ﻣﺮﺣﻠﺘﻨﺎ ﺍﻟﺘﻘﺪﻣﻴﺔ
ﻭ ﺑﻌﺪ ﻣﺎ ﻭﻻ ﺍﻟﺘﻠﻤﻴﺬ ﻛﻴﻤﺎ ﺍﻟﻜﻮﺭﺓ ﺑﻴﻦ ﺍﻻﺣﺰﺍﺏ ﺍﻟﺴﻴﺎﺳﻴﺔ
ﻭ ﺍﻟﺘﻲ ﻻ ﺗﺴﻌﻰ ﺍﻟﻰ ﻏﻴﺮ ﻣﻄﺎﻣﺤﻬﺎ ﻭ ﻣﺼﺎﻟﺤﻬﺎ ﺍﻟﻔﺮﺩﻳﺔ
ﻭ ﺍﻟﻤﺮﺑﻲ ﺍﻟﻲ ﻛﻞ ﻋﺎﻡ ﻃﺎﻟﺐ ﺑﺰﻳﺎﺩﺓ ﻓﻲ ﺍﻟﺸﻬﺮﻳﺔ
ﻭ ﺭﻏﻢ ﺍﻟﻲ ﺧﺪﻣﺘﻮ ﻳﻄﻠﻊ ﺍﺟﻴﺎﻝ ﻭﺍﻋﻴﺔ ﻣﺶ ﻣﺰﻳﺔ
ﻭ ﺇﻟﻰ ﻛﺎﻓﺔ ﺍﻻﺳﺎﺗﺬﺓ ﻭ ﺧﺎﺻﺔ ﻣﺪﻳﺮ ﺍﻟﻤﺆﺳﺴﺔ ﺍﻟﺘﺮﺑﻮﻳﺔ
ﺇﻟﺊ ﺍﻟﺴﻴﺪ مدير اﻟﻤﻨﺪﻭﺑﻴﺔ ﺍﻟﺠﻬﻮﻳﺔ
ﺇﻟﻰ ﺭﺋﻴﺲ ﺍﻟﺤﻜﻮﻣﺔ ﻭ ﺭﺋﻴﺲ ﺍﻟﺠﻤﻬﻮﺭﻳﺔ
ﻭ ﻣﻐﻴﺮ ﻣﻨﻨﺴﻰ ﻭﺯﻳﺮ ﺍﻟﺘﺮﺑﻴﺔ ﺕﺍﻟﻲ ﻫﻮ ﻣﺴﺆﻭﻝ ﻋﻠﻴﻚ ﻭ ﻋﻠﻴﺎ
ﺷﻨﻮ ﺫﻧﺐ ﺗﻠﻤﻴﺬ ﻳﻤﺸﻲ ﻛﻴﻠﻮﻣﺘﺮﺍﺕ ﻣﺎﻟﺜﻨﻴﺔ
ﺑﺎﺵ ﻳﻠﺘﺤﻖ ﺑﺎﻟﻤﻘﺎﻋﺪ ﺍﻟﺪﺭﺍﺳﻴﺔ
ﺷﻨﻮ ﺫﻧﺐ ﺍﻟﻌﺒﺎﺩ ﺍﻟﻲ ﺑﺎﻟﺠﻬﺎﺕ ﻣﻨﺴﻴﺔ
ﻭ ﺷﻨﻮ ﺫﻧﺒﻮ ﺍﺫﺍ ﻃﺎﻟﺐ ﺑﺤﻘﻮﻗﻮ ﺍﻟﻄﺒﻴﻌﻴﺔ
ﺑﻮﺳﻴﻠﺔ ﻧﻘﻞ ﻭ ﻣﺒﻴﺖ ﻭ ﻭﺟﺒﺔ ﺻﺤﻴﺔ ﻏﺪﺍﺋﻴﺔ
ﺷﻨﻮ ﺫﻧﺐ ﻛﻞ ﺗﻠﻤﻴﺬ ﻣﻨﺠﻤﺶ ﻳﻜﻤﻞ ﻗﺮﺍﻳﺘﻮ ﻭ ﻗﻌﺪ ﺿﺤﻴﺔ ﺟﻬﻞ ﻭ ﺃﻣﻴﺔ
ﺍﻧﺘﻲ ﺗﻮ ﻣﺴﺆﻭﻟﻴﺘﻚ ﺳﻴﺪ ﺍﻟﻮﺯﻳﺮ ﺗﺤﺎﻭﻝ ﺗﺒﺪﻝ ﻫﺎﻟﻮﺿﻌﻴﺔ
ﻣﻨﺎﺵ ﻃﺎﻟﺒﻴﻦ ﻣﻨﻚ ﺗﻐﻴﻴﺮﺍﺕ ﻭ ﺣﻠﻮﻝ ﺳﺤﺮﻳﺔ
ﺳﻴﺪ ﺍﻟﻮﺯﻳﺮ خلينا ﻧﻌﺎﻟﺠﻮ ﺍﻟﻮﺿﻊ ﺑﻜﻞ ﺟﺪﻳﺔ
ﻭ ﻧﻄﺮﺣﻮ ﺍﻟﻤﻮﺍﺿﻴﻊ ﺍﻷﺳﺎﺳﻴﺔ ﻭ ﻧﺮﺳﻤﻮ ﻣﺒﻌﻀﻨﺎ ﺍﻟﻴﺪ ﻓﻲ ﺍﻟﻴﺪ
ﺍﻟﺨﻄﻂ ﺍﻷﻭﻟﻴﺔ ﻹﻧﺠﺎﺡ ﺍﺻﻼﺣﺎﺕ ﻣﺆﺳﺴﺘﻨﺎ ﺍﻟﺘﺮﺑﻮﻳﺔ
سيرين خليفي
Website Design Brisbane