-نحبک..

-يعيشک..

-زايد متستاهلش الحب اصلا مفيک ما يتحب اما قلبي بوهالي خلاني منك نعاني..

-يعيشک ليا بش نقدر نخرج الحب لي ليك ساكن فيا.. سمحني .. يغلبني سكاتي يا احلى حكاياتي.. و قدام عينيك الحروف تطير و الجمل تدخل بعضها و تحير .. نحب نحبك حب كبير .. لا تعرفو شمس و لا يحكيه سكوت اليل.. نحبك فوق الحب الف محبة مخبية لاهي موجودة في حتى قصة و لاهي محكية .. على اما معاناة تحكيلي .. و انا في حبك غاطسة لكنيني .. لا عرفت نقدم لا نوخر .. لا نبوح ولا نخلي سري يتبخر ..

نخاف الكلام يرخ بيا في كل مرة نحب نجيك نحطك قدامي و ناجيك.. نبوحلك علي لا حول ولا قوة فيه فيا .. بعد نسكت خاطر نخاف نعطيش لحبك حقو خاطر مهوش بساهل و شقو دقو.. نحب نختارلك احلى ما في الكلام ميهمنيش يجي موزون و يجي صلام ولا يدخل بعضو تي ما عليا ملام .. راهو الحب مهوش ساهل يا انسان .. موش لازم نقلك نحبك بش نعبرلك .. ايجا اغرق فيا و منغير ما تلوج ياسر شتلقاك مالكني بجاه الرب اعطيني فرصة نفسرلك .. نت الروح الدخلانية .. قد ما حاولت نخبيك فيا شي راسك كاسح و عنايدي فوق اللزومية .. يزيني تو ما حكيت .. هاني مشيت اما حبيت نوضحلك علاش ديما سكاتي يغلبني يا احلى حكاياتي ...

-على اما مشيان تحكي ايجا عنقني و اسكت و يلعن بو الكلام ...