ي دنياَّ زيدي و زيدي و ردي بالك تڨولي خليني نرتحهم شوايةْ أكا الخلق ..

زيدي حطي المواقف الكل الي متجيش مع بعضها في نفس الوقت مع بعضها و زيدي بهذلي بأحوال والدين ولدينا .. زيدي بجاه الرب الأعلى ضوي على احﻻمنا و هي تموت ڨدام عينينا و زيدي ورينا غيرنا فرحان يرڨص ب شهوتنا الي تمنينا ي دنياَّ بيها تهنينا ..

تي زيدي عفسينا و القاعة الأرض امسحي بينا ..

زيدي حطمي كل مخرج و منفس و نقطة ضوء في وجوهنا ..

زيدي اعكسينا و فكي الفرحة من يدينا و هزيها بعين و عذبينا ..

زيدي احرڨينا و ورينا حب السنين يضيع منا و ذوبينا ..

زيديناااا ردي بالك ترحمينا و تحني عليناً ..

زيدي بجاه ربيِ هدينا و ﻻ تخلي عظيم صحيح فينا ..

زيدي ي دنياَّ العبي بينا من فم الفرحة اخطفينا و من باب الصبر طردينا .. حتىّ من الرحمة احرمينا .

زيدي ي دنياَّ فارعينا و ﻻ تهنينا ﻻ تزهينا ..

زيدي و زيدي و زيدي ..

تي زيدي مرضينا بكل أنواع الهم صيبينا و ﻻ طبيب يداوينا ﻻ من يحس بينا ..

زيدي ي دنياَّ خلوضينا و حطي يمين في يسار .. و جيبي من غادي و حطي منا .. زيدي عفني عليناً و ارفسينا كان خطرلك بملح ادهنينا خلي جراحنا تولع بينا .. زيدي جيبي الايسونس و شعلينا و بالله منك رتحينا ..

تراه شوفي راضية هكاَ و اﻻ تزيدينا ؟

كان عندك الجديد اتحفينا كالفيران جربينا و شوفي بجاه محمد اقوى سم و شربينا ..

خاطر ي دنياَّ يزينا .

#بخط ڨلبي #مازال