وينهم الي قالو مش باش يجيك..

وينهم الي قالو هاذا عمرو ما يهنيك..

وينهم الي قالو عمرو ما يكون ليك...

هاو حبيبي توا هنا..

بين الناس ماشي جاي.. يستنى في طيفي يبان...

شوية و تتحل البيبان.. و نشوف حبيبي من بين اﻷبدان..

اليوم كيما حبيبي وعدني صار..

قبل سنين قال باش تكون ليا و نهزك بالحلال..

حبيبي راجل و كيما قال صار..

لمحتو من بين الناس..

طول و زين و وهرة..

توا نجم نهز راسي و نمشي بين الي قالو عمرو ما يكون ليك.. مش هاذا الي يليق بيك..

هذا الراجل اللي تمنيتو..

وعدني و اليوم حققلي..

ايدو في ادي و الرأس عالي..

لا خوف و هروب..

هو ملكي و انا ملكو..

في عينيه حب الدنيا.. و تزغليلت دموع تحكي برشا كلام..

تقلي يا حبيبتي راك مش ليوم انتي ليا راك عندك سنين في قلبي مخبيا.. أما ماليوم قدامهم ايدك في يديا و راك باش تبقى طول عمرك في عينيا..

نحبك يا روحي يا الي ماشمتش الناس فيا..

من اليوم ايدك مش باش تتنحى من ايديا..

نكملو عمرنا بالحب الي جمعنا سنين..

اليوم فرحتي ما تتوصفش.. اليوم الدنيا و السما مش سايعيني مالفرحة.. اليوم نحلم بيه ماليوم خاتر اليوم هاذا مازال القدام..

أما ماليوم نتخيل فيه..

باش يجيني حبيبي و يسكت الي قالي باش يسلم فيك و عمرو ما يكون ليك..