هايـــم
Nesrine Chermiti - نسرين الشرميطيفي ظلام الليل وحدك تنين
شكون يواسيك ؟ لا ثمة لا قريب ولا حبيب
ضايع، وفي الوقت هايم
شارد، وفي فكرك غارق تناجي في روحك:
وين صحتك وين شبابك ؟
وين صحابك وين أحبابك ؟
وحدك...
وين ضحكتك وين هبالك ؟
وين عزك وين دلالك ؟
وحدك...
جروحك بحور غريقة و الدنيا بكبرها عليك ضيقة
همومك حمايل ثقيلة و راسك شاب على صغر شباب
عليل لا لقيت شكون يداويك
عطشان ريقك شايح لا من يرويك
مع الارياح سافرت، تبعت هوى النفس و اتغربت
مشيت وشوية شوية على ثنيتك بعدت وفي وسط الثنايا ضعت
ومع كل خطوة تخطيها تنسى روحك فيها
و غربتك كبرت مع الأيام و أحلامك ادفنت و صارت كمشه أوهام...
نسرين الشرميطي
Website Design Brisbane