نعشق الحرف اللي نكتبو ليك

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Sarah Messaoudi - ساره المسعودي

كيف قتلكْ باش نحبكْ؛

من بنزرتْ لبِنْ ڨردانْ..

ما كذبتشْ..

باش نكتبْ إسمكْ؛

بينْ الشجرْ والوديانْ..

نفرّحكْ ونفرح معاكْ..

قد الليعاتْ اللّي تحستْ..

والمحاينْ اللّي على راسي تعدّاتْ، قبل ما نراكْ..

قبل ما حياتي بيكْ؛

تملاتْ وحياتْ وحلاّتْ..

ما كذبتشْ..

كيف قلت ما نتعبشْ نحكي على عينيكْ..

في تراكن تونس الخضراء والصحراء..

وتلقاكْ عطشان أنا نرويكْ..

ما كذبتشْ..

كذابه من يومي كذباتْ أبيضْ من الحليبْ..

أما كيف تلاقينا روحي نسيتْ..

ترّبيتْ وولّيت صادقه..

هاكا بيت القصيدْ..

نحّبْ نزيد نسألكْ وما تقولش تخرنينْ..

حتى كان الربّ الكريم حال بينا الإثنينْ..

باش تنسى تخرنيني وخيري؟

ومرتك اللّي باش تخلطْ خلوطْ..

بعد على نقشْ المرّه الأولى من كلّ شيء، يكونْ فاتْ الفوتْ..

وبعد ما فيّا أنا، عينيك المزيانه حلّيتْ..

ومهما هي باش تعملْ..

تكحّلْ وتحمّرْ وتحضّرْ..

وتستدعاكْ..

وتحضرلكْ شبعه كادواتْ..

خليتلها أنا حويجه تبداها؟

ما تقوليش لا لا.. نعرفْ!

ونعرف محبتكْ حتّى كانهي فالصو..

ديامونته راكْ حبيتْ..

وما عادشْ تسأل علاش جيتْ..

ومعادش تقلّي راك بشككْ "فيه خريتْ"..

تعرفني نحبكْ،

مهما قسيتْ.

ساره المسعودي

Website Design Brisbane

Tags: