مر 75 يوم على رحيلك
Dorra Rezgui - درة الرزڨي.. مر 75 يوم على رحيلك و الألم و الحزن ولد كبيرا و ما زال كبيرا.
الجرح ؟
تلم شويو و الوجيعة هي بيدها كي وجيعة ام ضيعت ولدها ..
لسماء مغيمة محبش السحاب يبعد علاها ...
في ربيع محبش يجي لبلاد انت مافيها ...
لمطرة محبتش تصب ...
. لعمر محبش يوفى ..
لفلوس ماتكفيش باش نجي ...
لغصرة واحلة في القرجومة محبتش تتعدى ...
لعالم مليان بيك مشيت و خليتو فارغ ...
لحكاية ماوفتش .. حشمة لوكان نكملوها ..
لطير عشش في بلاصة و هاجر ..
لدنيا ماحبيتش نعيشها بعدك ..
لا قهوة نجمت نرشفها في تركينة ..
المحبة كبيرة و الوجيعة اكبر ...
فرحانة لدنيا عايشها و حزينة لدنتي انا ...
لبحر متغشش محبش يريض لحوتات هجرت صياديها لصنارة مكش شاددها انت
لتصويرة محبش وجهك يتنحى منها ..
للبحر ماحبش يشيح باش نجيك ..
لزلزال زعزع فينا دنيتنا ..
لقمرة تجي عندك و تغيب علينا و لشمس طل عليك و تبعدك علينا ..
لاول نهار محبش يتفسخ من تاريخنا ..
لوليد صغير ساميتو ...
لمريول ازرق و رحلة بقارب العمر سافر بينا
لنهار كان ماهزيتش فيه عليك ميصيرش هذا الكل
لمحبة صيف عابرة وفات في ليلة شتوية ...
مهما صار و مهما كان باش يصير متربع على عرش العمر كي راجل يجي في القرن مرتين
لصحاب جدد دايرين بيك مكنوش معاك في الوقت الصحيح
لجنسيات اشكال و الوان دايرة بيك
لعينين زرق مينجموش يفهمو لي بيني و بينك
لطرح مصيد في بر بعيد رجعنا منو في عشوية
لتصويرة صورتهالي بغرام كبير
لمرا تنسيك في مرا .. و لعمري نجمت نسيك فيها
نحبك و حبيتك و باش نبقى نحبك
درة الرزڨي
Website Design Brisbane