Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
متوّحشتكش
Fatma Omri - فاطمة عمريمتوّحشتكش ،متكلمنيش و متجينيش و ما تسألش علياّ ..
انا متوحشّتكش اماّ نحِب نعرفْ ..
شنحواًلك ؟ شنية اخر اخبارِك و مازال اسْمي يجيِ على بالك ؟
كيفاشْ حاسٍس روحكْ ؟ مرتاح فرحان زاهي ، و الاّ في همّك لاهي ؟
تاعِب و ااااآي راسيِ .. مهدودْ ياسر الشارجْ عليك .. مشغوبْ مبهذِل و كان علياّ انا مشغوُل .. ؟
حزين ؟ قلبك الكبير بالوحشْ ينين ؟
صوتك ما زال كيما انا نعشقوُ بنين ؟
"حبيّ حبيّ ".. توحشّتها قد سما الرّب و ما خلَق ..
شنية أحوالك في بعادِك و كيفاش هكا جا لبالك ؟
هو انا موش قتلك حلينيٍ معاك بلا بيكْ منحبش .. و حتى لو مخلوض حالك .. !!
فكّرتك اقوىَ من هكا .. فكرتك حيطي و كِتفي ..
هو موش انتَ قتلي كيف يقلقني حد نجيك ؟ ايه و توة لشكون نمشي كيف انتَ سلّمت فيا ..
متوحشتكش اماّ حبيت نسمع صوتك مطمان عليك .. نبوسك من عيونك و ندفن روحي في شونك .. و في بعادك عمري لا نخونكْ ..
ليل رزين عندو نهارين محبّش يتعدا .. و انا حسيتها سنين هالمدة .. و علاش انا ؟ ..
تتفكر مرة قتلي وقتاش باش تكتبي علياّ ؟ قتلك متخلينيش نكتب عليك .. كتيبتي دم ينزف من وجيعتي .. كتيبتي قهرة ..
كلام مغصوص لا حكيتو لا انتَ حسيتو .. و هاني كتبتلك ..
---
فاطمة عمري
Website Design Brisbane
Tags: