Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

كينك حذايا

nostalgie-7obbOumaima Belhaj - أميمة بالحاج

شطر ورقة نعبيلك فاها كلام من روحي لي قريب تفنى ..

روحي لي تهزت و تحطت طلعت لسماء و ل ربها رجعت ..

نكتبلك على حبك لي عمل فيا فتارية ..

لاهو مخليني نرقد لا ليل ولا عشية ..

نخمم فيك كينك حذايا و تستفز فيا ..

و انا مكبلة منيش عارفة ..

يا نقربلك و منك نخلق ..

يا نبقى في بلاصتي باردة و نعتبرك مكش ليا ..

حبك زعزعني ڨرڨعني فرقعني و ردني ضحية و في الحب وليت ارهابية ..

كلمة نحبك بش نولدها في خاطرك .. و نخباها و نكبرها و لين تولي في مقامك و ليك ..

سيبنا عاد يا سي صالح و بغزرتك ما تغرينيش ..

كيفاش تحبني نقربش منك و نت قاعد تسحن فيا تشعلي في ناري يا عم فوزي جاري ..

نبصملك ب صوابعي الحداش منك ما نخرجش بلاش ..

يا نهزك بكلك يا نهز قلبك و نمشي نطيشو لكلاب سانية المشماش ..

رد بالك مني كان منحلش في داك حرب ب اميمة ما نتسماش ..

أميمة بالحاج

كينك حذايا
Tags:

Vous pouvez lire aussi