ساعات تزورني أفراحي ! نضحك نتبسم وحدي كيف البنية الصغيرة ! نضحك على ايامات كانت ! و فعل 'كان' هو الي يشوشلي فرحتي !

نحل عيني نلقى الحاضر يستنى فيا لين نفيق باش يفكرني الي آني مازلت عايشة ولازمني نعيش اللحظة من غير تخمام ! من غير غيوم ولا احلام بكلها اوهام !  شكوك الناس في ضحكتي و مدى براءتها ليه عنوان !

هو السعادة الي في قلبي الي ما ملكو حتى انسان هي الراحة النفسية الي تلوج على كل الالوان  الفرحة هي ربيع ايامي و الحزن ما عندو لون كان الذبلان ! كان الموت و قلة الاحساس ! !  الحزن خريف بلا الوان ! صحراء من غير واحة و. موت وكل يوم نواحة !!! 

أخطانا من الاسود يليق بك ! خليك بلونك الي يواتي عمرك خليك للحياة تحب! و كان جاك ححد فكلك لونك ماعليك كان تدز و تسرق لونك و كل بالتبسيمة يرجع!!