كلام نص ليل مدهون بالحب

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Oumaima Belhaj - أميمة بالحاج

كلام نص ليل مدهون بالحب...

منك نحب نخلق عشرة..

و نفرقك عالمدينة و في الدشرة..

نحطك في كل بلاصة نتعدا علاها و نحسها من غيرك حرشة..

منرتاحش و نت مكش قدام عينيا نحب نراك برشة..

لازمني نرا بصمتك في كل تركينة و حتى في الورشة..

شنعملك وشمة..

في بلاصة مغطية نخباها..

وحدي نطل علاها..

و نسهر ليالي نعشق فاها..

ننسخ تصويرتك علاها تيه علا اما حرام تحكي تي شفاها..

حبي ليك لا يعرف حرام ولا حلال..

خليني نقربك نت و نبعد كل الاحباب..

نعمل منك دار فاها مدخل اما بلاش باب..

الدخلة معادش منها خرجة و منها ما يحلها الف حلال..

شقولك نعملك مريول ولا روبة؟

الصق في بدني و كان لزم كون كوبة..

متحلش عليا خليني فيك مشدودة مقلوبة مصلوبة تي مش مشكل كيفاش مڤدودة المفيد فيك نت مرتوبة..

مالدنيا ما تحلالي كان نت..

كان ريت قداش شاهية امك تعيطلي كنتي..

و بيا كمل نص دينك و كانك مني بطبيعتك جنتي...

أميمة بالحاج

Website Design Brisbane

Tags: