Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

عندكمش مكانة صغيرة للروح ..

regards-hommes-femme-societeFatma Omri - فاطمة عمري

ماتغزروليش و ابعدوني متحبونيش .. لا تكلموني لا تتفكروني لا تكتبولي لا تقرولي لا تسمعو بيا لا تشوفوني ..

انسوني و من مخاخكم المعفنة خرجوني ..

سيبوني خلوني نعيش معاكم .. سيبوني و من حياتكم اعتقوني ..

لا تشوفو شكلي لا لوني لا فمي لا عيوني .. لا بدني لا شوني ..


سيبوني و من كلامكم المرزي ارحوني ..

اعمو عيونكم و خدمو مخاخكم ..

حسو و افهمو ..

عمري لا كنت تصويرة في كواترو و لا ورقة في جريدة .. عمري لا كنت لحم معروض للبيع و لا لوحة معلقة للنقد ..

عمري لا ستحيقكم تشكروني و نهار باش نستحقكم تمدحوني .. غير سيبوني .

من عيشتكم ادفنوني ..

نكرهكم و نكره ضحكتم الصفرى و العينين لماتشوف كان الشفايف .. نكرهكم و نكره مخكم لي فيه اعضاء تناسلية ..

سيبوني و سيبو رواحكم مني و انسوني ..

لا على بالكم تجيبوني و لا في شواركم تاكلوني و لا بكلامكم تهتكوني ..

ديما ساكتة لكن مانيش عميا .J

نسمعكم و نتفهمكم لــكن زادة عندي طاقة إستعاب سايي عييت .

بربي ارحموني و انسوني .

فاطمة عمري
عندكمش مكانة صغيرة للروح ..
Tags:

Vous pouvez lire aussi