- نحب نشوفك (تبسم )

- منقراش نهار السبت كيفاه تحبني نجي!

- لازمك تجي و لازمني نشوفك ( وشوشلها في وذنها : ' توحشتك ')

- ( تبسمت وتبع فيه بعينيها ،، قلبها باش يخرج ، بعد هالمدة هاذي الكل مازال متوحشها ! مزال يحب علاها ، مزال يحب يحضنها ويشبع منها ! )

تعدات ليلة كامله تستنى في نهار السبت ، وقتاه يجي ،، صبحت في نشاط مش كيما عادتها ، لبست و زينت و مشت للفاك ، لقاتو مع أصحابو ، سلمت على الناس الكل وبقت تخزرلو فماش ما يحن قلبو ويشفق عليها ، يستفرد بيها ، متوحشتو و قلبها ماعاد متحكمة في دقاتو ، ملك عقلها ، و سرى في دمها ، خزرتو ليها تذوبها ، لمستو تدوخها ، هو حب حياتها ،، كل مرة يجبدو حد من صحابو لين جت لعشية ، قريب تأيس ، قربلها ، غمزها وقلها هيا عملنا دورة ، جبدها من بين اصحابها و مشاو ،، قالها ةين تحب نقعدو ، حضنت يدو بيديها و قتلو وين تحب مهم نكون معاك ،، قعدو شوي ، ذوبها بكلمتين ، وجبدها وقلها هيا نقعدو وحدنا ، توحشها هو زادا ، قربلها ، تبسمت وقتلو لوقتاه باش تبقى هارب مني و بعيد عليا ! لوقتاه باش تبقى متحنش على عينيا ، متوحشينك ويتمنوك متغيبش عليهم حتى ثانية ، عنقها ، وقلها شوي وقت وكل

وكل شيئ يتصلح ، ذابت في حضنو ، ذاب في شفايفها ، ذابت في لمستو ، ذاب في سخانت نفسها ، ماعاش ينجم يسيطر على روحو

- نحبك علاش حارمتني منك

-كل شيئ في وقتو حلو

- انتي ملكي ليوم والا غدوة علاش نطولوها

-نعشقك أما منجمش وانت لازمك تتحكم في روحك

( زاد حملها ، ذايب في شفايفها ، يرعش ، قلبو يدق مش منجم يتحكم فيه ، هي قريب تضعف وتسلملو في كل شيئ ، اما شد روحو عليها كانت أحلى لحظة ليهم مع بعضهم ، اما كانش حاب يزيد يضرها ، صحيح فرحت كي خاف عليها اما زاد عذبها وحرمها منو مرة اخرى ، وخلاها كي الميتة بين الأحياء ، كيما كل مرة يخليها ويمشي ،  و يهمسلها : منجموش نكونو لبعضنا خاطر ظروف متسمحش و نخاف نمرمدك نهار آخر ، قتلو كنت راضية بالعذاب ونقنع في روحي انك متحبنيش وتو بعد ما تعترفلي بحبك ليا تستحلى وجيعتي عليك وحرقة قلبي كي تتخلى عليا، مخيبك يا دنيا كي تستحلى عذابك فينا