صبّحْ

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Cyrine Soussi - سيرين السوسي

صبَحْ ،

كنسمة الفجاري تضحكلك بالفمّ المليانْ ،

و النّوارْ النَاعسْ يتكسّلْ في ڤلب جنانْ ،

و الموجة تشڤلبْ المحيّر بكفوفْ حنانْ ،

و الشفّة تدندنْ لمْخبّي برُوجْ خديّدْ رمّانْ .

صبَحْ ،

كاليدْ تشُقّْ السّماء تنادي للفتّاح،

و حواڤْ العينْ و عياها تطفّيهم الأرياحْ،

و الڤلْب يسبّح بالسرّْ وڤت البالْ يرتاحْ ،

و فرططّو يغنّي للّيل بتبسيمهْ غماڤو يفتاحْ.

صبّحْ ،

كالمطرهْ من شبّاككْ تدخلْ تتطبعلكْ بوسهْ،

و شميسةْ تفكّكْ مالڤمرهْ و تهديلكْ خوصهْ ،

و الفرْحهْ تكحّلّكْ شفرهْ تدخّلها للدّنيا عروسهْ،

فصّيصْ في جفونكْ عجبهْ مالسّوْ محروسهْ .

بقلم سيرين السوسي

Tags: