شيطان وسواس

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Oumaima Belhaj - أميمة بالحاج

طاح بيا شيطان وسواس ..

خلاني نبعد على كل الناس ..

نعبدو هو و نغرق في الهلواس ..

وليت نشك في اقرب ناس و نقول بهناس ..

صدقتو و كذبت كل احساس ..

دخلت في عالم كلو استراس ..

موش عارفة كيفاش نخرج من هالانحباس ..

نحس في روحي محبوسة في وسط دبوزة نحاس ..

و هو الغطاء لي مكسر عليا كل ما هو حماس ..

دايرين بيا برشا حراس ..

سعات نحس روحي نسمع في صوت اعراس و بدني تقول في مهراس يتفطس يتقرطس يتبربس ..

ما تفهم شي تسكرت عليا الدبوزة بفاس ..

و توحشت تعنيقة امي بكل حب و برشا احساس ..

عايشة كيني جثة بالاساس ..

و روحي خطفها و سكر عليها الشيطان الوسواس ..

أميمة بالحاج

Website Design Brisbane

Tags: