ربي يهنيك

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Sarah Messaoudi - ساره المسعودي

حبيتك وبحبي جهرت..

لا حبيتك في تركينه ولا بالسرقه عاللميمه..

حبيتك وحكيتلها وشكيتلها وفضفضتلها..

وساعات شجعتني.. وبرشا لامتني..

وخذاتني على قد عقلي وطاوعتني..

في كل مره حبيتك فيها وتوجعت..

روحت لأمي وركعت..

وعلى حجرها بكيت ودعيت..

يا ربي بدل منو للأحسن.. دلو لطريق منور..

وجيبو لدارنا عاشق مهبول..

كيما عرفتو من النهار الأول..

وقداش مصعبها لحنينه..

وقداش قسى قلبها عليك.. وقتلي سيب عليك..

مادام هبطت دمعة عينيك..

أنا تربيت في عايله تمن بالمكتوب..

تمن بالباب الكبير..

وبالراجل الصادق الموهر..

بالراجل اللي يقدس المرا..

ويعطيها الكار ويكون ليها بلسم وكتف ودواء..

أنا تربيت عالمحبه..

كي نفيض نفيض شلال..

كي نعطي نعطي بهبال..

وكي ناكلها ناكلها بالسكات..

أي نعم السكات..

وتدويرة الظهر والعين مبلوله..

والوجيعه مش الأولى..

هيا بركا آش علينا.. اللي جاء منك مبروك..

ومقبوله منك الكلمه الحلوه..

والسكينه الحافيه..

والطفله المكلوبه اللي عملتها مني..

تي أيه يا راجل..

ربي يهنيك وليا ثنيه عمرو ما يرجع يوريك.

س.م

Website Design Brisbane

Tags: