تعرفش علاش ..
Abir Hammemi - عبير الهماميتعرفش علاش
يا نكمل بيك يا بلاش
روحي فيك .. عقلي ليك..
و بلا بيك ما نحياش
تعرفش علاش
ضحكتي في بعدك تفنا ، تغيب
ما نلقاهاش
إنت الفرحة الي مالقلب
و الضحكة بلا فرحة ما نجمهاش
تعرفش علاش ..
الدنيا في بعدك ما تتعاش
اليل بارد..نجومو ضايعة
ما فماش ..
خرجت في ضلامو حافية
دمعتي تقطر صافية
حاسة ببدني عالأرض ..و الروح في هواه طافية
خرجت روحي مني و مشات ..
ناديلها ، سمعتني و ما جات
جاتك .....
جاتك روحي، ما خلاتك
و زينتلي ليلي بنجماتك
و رجعتلي بسمتي بضحكاتك
من بعد تبسيمتي ضحكت بالصوت
اليل جاني و خايفة يفوت
خرجت ..
و في زينك يا ليلي تفرجت
ظلامك اليلة موش أي ظلام
بدلت الخطوة القدام ..
نور قوي ضوالي الثنية
و قالي ما توخر يا بنية
حبك جميل، صادق و صافي النية
هزيت راسي
رفرفت جوانحي..
قلبي دق ، تبدلت ملامحي
جيتك كبف ما جاتك روحي
و بدمعات فرحتك داويت جروحي
عرفتش تو علاش
الدنيا بلا بيك ما تتعاش .....
عبير الهمامي
Website Design Brisbane