مهيش تعنيقة كيف ما يراوها هوما ..

هي اللحضة لي روحي و روحك يتقاربو و في بعضهم يتشابكو ..

و لحضة لي قلبي يمد ايدو لقلبك و يتقابلو و يشدو في بعضهم و ما يتباعدو ..

هي لحضة تخليطة هواي ب هواك و لحضة لي فاها نحس روحي في أمان ..

لحضة رجوعي للبلاد .. بلادي لي كانت تستنى فيا و ترابها ليا مشتاق ..

لحضة لي ننسى همومي و وجايعي و ناخذ منك برشا حب و حنان مخلط ب شوي دلال ..

لحضة لي كلمة نحبك تخرج صادقة مالقلب و حتى صوتها يتبدل و معاها تخرج تنهيدة ام لقات ولدها بعد غياب ..

و نحب فيك نبات و نصبح و من ريحتك نسكر و من بوستك نزطل و نشيخ بغزرة عينيك كينك وليد صغير و عطاوه الحلوى و برشا فزفوزات ..

و عينيك في عينيا تغرق و فيهم نرا حياتي بيك و معاك و من جنبك م' نتنحاش ..

منحبش نقص عليها اكا التعنيقة البنينة .. نخاف تكون لخرة و انا منك و منها مشبعتش ...