بلادي توجع فيا...

Mariem Ouergli - مريم ورڨلي

قداش مخيبها بلادي ولات ... سرقة، نهب، فتل، و إغتصابات

بلادي عزيزة عليا ... أما إلي قاعدين يعملوا فيه مش شوية

بلادنا مزيانة و عزيزة علينا ... سيبونا خليونا نبنيوها بيدينا

كل يوم و لينا نسمعو غريبة ... أخبار رويات وحكيات عجيبة

هذا حرق روحوا وسط البلاد ... خاطروا بطال ويحب ينسي نظرة لعباد

هذا قتل مرتوا في الكياس ... قال شنوا يحبها ويسهر عليها عساس

لاخر حبوا يغتالوه علا؟؟؟ ... يحبوا يسكرولوا فموا و يكبلوه

إضرابات،إضرابات،إضرابات ... ويقولوا شبيها العيشة غلات

تونس عندها نساء ورجال ... وبش تقعد عاليه بين الأجبال

حبوا بعضكم ... خافوا علي بعضكم

حبوا الخير لبلادكم ... هي إلي تخليكم عالين بين أسيادكم

بلادنا..إي نعم نحبوها ... لتهميش الغير ما نخلوها

أي..أي..تونس ليا وليك ولينا ... نعليوها ونبنيوها بيدينا

بقلم مريم ورڨلي