اليوم كلامي تعب من كلامو!

سكتت ما فاد ! هلواس و تخمام  !

تكلمت لين فدت مني الحيوط !

فمي بكلو خيوط ! هاني كملت ايست من صوت كلامي معادش فما فايدة حتى من السكوت !

فيبالي تعلمت الي لازمني ديما السكات اما ! آآه و برشا آهات ! وين المهرب يا أيناس من الليعات ! اللسان من النار تلكع و ماعاد الماكلة حلات !

تعبت و تعبت روحي و تخمامي ! كالصنبة قلبي و عقلي للواقع مفارق آآه ياعقلي  قداش وليت لمصلحتك بايع ! لا يزي الوقت زيدهم قلبي و عقلي ليك يا روح بايع ! آش كون يفيقلي ها الضمير المايع !  زعمة هو ليا مع الزمان بايع !؟ و الا هلواسي لبعيد هزني ؟

مرضت و الشك و سوء طباعكم لزْني للخوف هزني !

زعمة مازال فيكم من نلقى فيه الخير و الا حسن النية عنديمازال فايق ؟

آش باش نقول و الا نزيد خليني نشد فرشي نرقد لعل نرى حلمة مزيانة تلمني من هال واقع المريض االڤاسي ؟