حكيت ، حكيت معاه و بكيت بكيت بكيت بكيت بكيت بكيت ، بكيت زهري و سعدي .. بكيتلو و حكيتلو .. قتلو الحقيقه لي أنا بلا بيه صندوق فارغ فيه كان الهوى .. بكيتلو البعد وقلبي لي واجعني بلا بيه ، قتلو منحبش نعيشها هالدنيا بلا بيك ، قتلو الرحمه !

قتلو أرجع و رجعلي الدنيا و الألوان ، عيون ضباب بلا بيك ، أرحمني من الوحدة القاسية ، بكيتلو حالي و لي صاير فيا ، بكيتلو صوتو لي توحشتو موت ، قتلو ، قتلو منحملش نشوفك و إنت بعيد ، منتخيلش روحي في نفس البقعة معاك و مانلمسكش ، منجمش نشوفك من بعيد ، منجمش نصبر عليك ،

تي قلبي تهز و تلطخ كي ريتك نهارتها من بعيد تمنيت نجريلك و نعنقك و نبكي نبكي نبكي ، نبكي محبتي ليك الفايضة ، نبكي وحشتي ليك ، نبكي ضيعاني بلا بيك ، نبكي عمري لي تعدى نستنى فيك ، نبكي في ظلام اللليل وحدي لا رفيق و لا ونيس و لا من يحن و يروف ، بكيتلو الدنيا الظلمة و الأصوات الموش مسموعة و الألوان السودة و الفررراااااااااغ من غير ، بكيتلو و قتلو لي أنا من غيرو وحدي ، وحدي للعمق للوجع للبكى للدم ..

بكيتلو و قتلو إجى عندي نبنيو حياة مزيانه راني بلا بيك يتيمه متصدرة في جبانه ، بكيتلو و قتلو إجى لحصني ندفيك بلا بيك ماعندي إلي ينسيني فيك ، و علاش ننساك و إنت نور عيوني و هوى رواريا ، و علاش ننساك و أنت حلمتي في نومي و تفكيري و صحوتي ، تي لا نجمت نرقد لا نجمت نفيق لا نجمت نعيش لا عرفت شنحب لا شمنحبش

ضعت و دخت و معرفتش منين نخرج من روحي ..

بكيتلو و قتلو أرحم ضعفي ليك و متزيدش توجعني و تذلي بمحبتي ليك ..

قلي : ماعادش نحس روحي نحبك ، عادي ، تو تتأقلمي ، تو مدة و تنسيني ، تو تستانسي على غيابي ، معادش عيني بيك ، ماكش على طاعتي ، منجمش نعيش معاك ..

قلي إنت تستاهلي إلي صاير فيك ، إنت كلك شر ، إنت كذابه و خايبه ..

قلي .. تو تنسي بالوقت .

قلي ردي بالك على روحك و عيشي حياتك بلا بيا

قلي آعتزلت الغرام و راني بديت ننساك ، معادش تكلميني ، أنسيني ..

قلي :ضوروف ، مكتوب:) .

_____

خاطرني كي نحب نعطي للراجل قدرو .. قتلو ربي يحميك و راو ثمه ربي فوق الناس و ليلا هاني باش نقلك : ..

و يشهد ربي إني مانيش مسامحتك لا دنيا لا آخرة

___

أنا فاطمه و أذاكا واقعي لي نعيش فيه أحسدوني بربي أحسدوني و أحسبولي و نافقوني ...