شاهية نكلمك.. شاهية نجيك و نبوسك على خدك..

شبيك خليتني ريت مخيبك كي هنت عليك

تي إيجا يا .. إيجا راني مشتاڨة لتعنيقة من عندك.. متوحشة نحط راسي على كتفك و نقرب لرقبتك و نتنفسك و نقلك محلا ريحتك ..

كل ليلة نحط راسي مع موزيكتي البنينة و نتخيلك و نبكيك.. و كل صباح يجهرني الضو و نرجع نلوج على خيالك بين الثنايا يا روح الرووح ..

موش ناوي تجيني؟ قد ما بعدت انت   نلقا روحي نحبك فيك..

اكذب و قلي الي غيابي اثر فيك.. قلي الي انت توحشتني وبلا بيك نا نعيش..

و كذبك حلوو يا  دنيتي..

إيجا عنقني و حملني مالوحش كيما آخر مرة تتفكر؟

ايجا نخرجو ونحطو اليد في اليد و نتمشاو على  حافة البحر..

ايجا عنقني و نسيني الوجيعة..

ايجا ما تمشيش..

إيجا راك وجعتني و قهرتني بكلامك و باقي مازلت نستنا فيك..

نحبك حتى و انت نساية..