خانتك مرة الحروف و ضحكت لين هبطت دموعك وقلت فرحان وشدتك غصة وحكيت برشابرشا وبزربة لين معاش تسمع في روحك  وحطيت برشا الوان باش تخبي لونك وكذبت لين نسيت الحقيقة والوجوه الى تلبس فاها كثرت عليك ووجهك مش مواتيك وفي لحظة ماقبل هروبك مالدنيا تحط راسك عالمخدة وتصارح روحك وتضحك لين تغرق في دموعك وكى ماتلقاش النفس تقلهم مريضة تو نرتاح قوية مايتخافش عليا...صحيح قوية عمرك ماهزك وجود والا غياب الناس مشكلتك مع روحك توا سنين ماتفاهمتوش معذبتك فيك اثنين تلاثة الف الفين فيك حرب وكل ماتحكى يحسدوك انت الى تنسى برشااا وماتحبش بالساهل وتتجاوز في لحظة ...

محلانى بيك

ماكش ضعيفة

انت عفيفة قوية نظيفة

انت بنت سيد رجال

أنا كاذبة

اعترف اني كاذبة

اول مرة اعترف قبل منتصف الليل

واول مرة اعترف أمام الكل ...

ونتساءل انت وهي كيفاه فيك عايشين توا سنين انت عايشة و هي تستني في الحين يحين ساعات رآها في عينيك وراها فيك تعب واحزان وساعات نقول  ماتت فيك،  وراك بكلك الوان ورا حب الدنيا في قلبك والكلمة في فمك نغمة راك تعمل في افعال هي ترفضها وتقول في كلام هي تلومك عليه  

غرامك غير غرامها واحلامك تعاكس أحلامها انت الي في كل بنية غناية و فيلم و كتاب و دقة قلب وضحكة عالية و دمعة من غير سبب و هي الفطرة والحلمة وطريق الجنة باذن ربي

ونتساءل انت وهي كيفاه فيك عايشين توا سنين ...

لا تحبي

لا تتعلقي باحد و لاتشتاقي

لا تقرئي رسالاته اكثر من مرة

وتبتسمي كالهرة