"دنيانا هذه التي تغتالنا هجعا و تنوشنا ايقاضا قد تغوينا ثم تسخر منا في الصحو و الغفلة و تسرق الشدو من افواهنا "

ما عرفتها الا حسناء تغني مع الطير و تبسم للأقاح

ما للفتاة و هذا الوجوم الرهيب؟

ما ثمة غير جثام يؤز يصعد النشيج.....

حلمت بروحي في الماء المعكر مردومة حلمت حلمة مشومة الخير سبقتو و الشر بعجاجة أفادي علقتو بعيد و حرقتوحلمت بيك نسيتني حلمت بالدنيا تخنق فيا من صبع ساقي للڨرجومة نتڨريد في ليالي الصرد عالبيبان مهمومة نطلب يا كريم يا حنين راني مظلومة لحيمتي متاكلة و مذمومة محڨورة كلييماتي منڨورة عالشّدة تولي خرايف عاللسيينات منثورة من الجد لولدو و أحفاد صغارو منشورة و دميعاتهم تتقاطر على قلييباتهم و جرييحاتهم المكسورة يدي على يدك عالريشة مضمومة بالحبار مغمورة عويناتنا مسحورة مخطوفة و كلييماتنا محبوسة على شفييفاتنا مقهورة...

نخرج نرجع نموت نعيش نحلم حلمة منبوذة مشومة ڨرومة نحلم نطلفح نتشلوح نتملح منهم هوما و الهم يجري سواقي فالبدن كالخبز الي ما يتشراش بالفن و الكلمة الي ما تحررش الوطن و أرواحنا جوهر منبر ملفوف في قطن أرواحنا ملفوفة في كفن....