artista
zaineb-roman-artistaZaineb S. - زينب س

الجمعة الثانية في ديسمبر دخلت ، الدنيا بردت ..قمت الصباح لوجت على وليد ملقيتوش دخلت للكوجينة دقيت على بيت البانو شي ما ثماش خرجت لبرا ملقيتوش قلبي طاح ناديت لوجت شي ايست رجعت لدار شدني لبكا تعدات ساعة اعصابي تحرقت و هو حل الباب و دخل في يدو قضية منغير ما نحس بروحي نجري و نعنقو بالقوي و نطرشق بالبكا..

شبيك شهرزاد اش ثمة ..امان هكا تعمل فيا هذي ثاني مرة تعملها و تلعب بروحك ( نحكيو نبكي و باقي معنقتو ) خفت عليك خفت عليك برشا ما تعرفش شنوة حسيت ..طيح السشيات من يدو جاو فالقاع ..بعدني و قعد يغزرلي فقت بروحي جيت بش نبعد عاود جبدني و قالي : يزي مالهروب وين ماشية ..علاش بش نهرب (دورت عليه وجهي )
Lire la suite...  
zaineb-roman-artistaZaineb S. - زينب س

تفجعت درنا نلقاو مهدي جايب في يدو ساك متع حويج و سشيات دخل حال فمو و قال صبح الخير يا جماعة ، بقى ساكت شوية و كملها عااااا هههه انا تربثت حشمت عالاخر وجهي حمار اي واحد بش يرانا هكاكا بش يفهم بالغالط وليد عريان و احنا فالوضعية هذيكا ..بعد عليا دار لمهدي : مهدي كيفاش جيت ؟؟ ..هذي اهلا بخويا متاعك ..

تي تكلم ..نورمال شبيك ضيعتهم ركبت في الف نقل و بعد خذيت لواج و جيت لهنا .. بعد عليا وليد و شالو ..امي شنوة حوالها .. حسب رايك ..باهي شنوة صار ..جاو جماعة لدار فركسوها و ثمة زويز يعسو من بعيد عالدار اما عرفت نتلفهم اه شقولك في خوك ..ان شاء الله يطلع كلامك صحيح ..امااااان خويا كان ما عينكش بيا انجم نمشي ( يرمي فالكلام و يضحك) ..طفاه وليد و انطر الساك من يدو ..
Lire la suite...  
zaineb-roman-artistaZaineb S. - زينب س

ما نجمتش انقولو اجا ادخل ولا نخلط عليه ما عنديش وجه بش نواجهو بعد اللي صارلو في جرتي ، امو اكيد مفجوعة و راي كرهتني نزيد انخمم هكا يشدني لبكا اما منغير صوت تذكرت وليد وين بش يرقد قمت نلوج نلقاش حاجة دخلت لبيت اخرى حليتها نلقاها كلها ماتريال فلاحة و قربج و معون و فيها جرايا متكينها عالحيط جبدتها هزيتها لصالة و فرشتها اللوطة فالقاع بحذا الفرش و رقدت عليها( اكيد مش بش نخليه هو اللوطة مش مطلوب فيا عالاقل يبات مرتاح شوية ، تعدات حكاية نص ساعة مغمضة عينيا اما مخي بش يتحرق و النوم ما حبش يجيني شي نسمع فيه دخل عملت روحي راقدة جا شافني هبط بحذايا عدا يدو ورا ضهري و حملني حطني فوق الفرش ..ما قمتش عاملة روحي راقدة و انا عين بعين نعس عليه نرا فيه نحا مريولو ( يا ميمتي ما بنو ايييه يا شهرزاد توا وقتو ) و كمل نحا سبتة السروال و ترمى فوق الجراية على ضهرو...
Lire la suite...  
zaineb-roman-artistaZaineb S. - زينب س

انا مصدومة صوتي ما حبش يخرج فمي محلول نرعش فقت شوية بديت نشد في وليد و نصيح: يا وليد سيبو سيبو ..(نبكي و نصيح) ..يا ربي امان ابعد بش تباصي روحك شي مسمعنيش و دزني بيدو و باقي يضرب فيه داخل فيه بالمشطة ..اووووه اووه على سعدي يا وليد تي ابعد ابعد يا سخطة علاش هكا بش تباصي راك ، شديتو من حوايجو نكركر فيه و اخيرا نجمت نوقفو ، لسعد فالقاع دايخ ماعادش يتحرك انا حاطة يدي على وليد مكبشة فيه خايفة لا يزيد يرجع يضربو وليد نار تقدح من عينيه و يتنفس بالقوي ..وليد اش عملت يا ربي اش عملت لراجل باصينا باصينا مشينا فيها و دازة عالبكا

Lire la suite...  
zaineb-roman-artistaZaineb S. - زينب س

تصدمت شبيه هذا شنوة يقصد ، غنيت تصلطنت كالعادة الناس الكل شايخة شفت برشا كوادر فالدولة ، وليد ما ريتوش نغني و نلوج عليه بعينيا سهرية كاملة ماضهرش ..كملت جاني لسعد ..اوووه شهرزاد ما خيبتش ظني ..عيشك ..خو.شنوة هذا ..شاك ماكش ترا ..اي علاش ..

شنوة شهرزاد هذا هدية من عندي الليلة حفلتلنا الجو و بنتي فرحانة بيك ..لا يعطيك الصحة سي لسعد خذيت حقي و اكثر ..جبدلي يدي حطلي الشاك في يدي و قالي: شنوة توا بش تعبني معاك انتي ما ثماش شكون تقول لا للسعد *** ..
Lire la suite...  
Powered by Tags for Joomla