ﻋﻤﻮ ﺍﻟﺸﺎﻫﺪ ﻋﻴﺸﻚ ﻓﻴق ﻭ ﺍﻏﺰﺭﻟﻲ .. ﺍﻏﺰﺭﻟﻲ ﻭ ﺣﺲ ﻭ ﻋﺬﺍﺑﻲ ﻭﺭﻱ ﻣﺎ ﺩﺱ ﻭ ﺍﻟﺼﻮﺕ ﺗﻜﺘﻢ ﻳﺤﺐ ﻳﺨﺮﺝ !

ﻳﺰﻱ ﻣﺎ ﺗﺤﺒﺲ ﺍﻏﺰﺭﻟﻲ ﻭ ﺛﺒﺖ ﻓﻲ ﻋﻴﻨﻴﺎ ﺗﺸﻮﻑ ﻓﻲ ﺍﻟﻘﻬﺮ ؟ ﺗﺸﻮﻑ ﻓﻲ ﺍﻟﺪﻧﻴﺎ ﻟﻌﺒﺜﺖ ﺑﻴﺎ ﻭ ﻃﻴﺤﺘﻨﻲ ﺍﻣﺎ ﻧﺤﺎﻭﻝ ﻛﻞ ﻣﻨﻄﻴﺢ ﻧﻌﺎﻭﺩ ﻧﺎﻗﻒ ﻋﻠﺊ ﺳﺎﻗﻴﺎ ...

ﻭ ﻧﺤﺎﻭﻝ ﻧﻨﺴﻰ ﻭ ﻧﻘﻮﻝ ﻏﺪﻭﺓ ﺧﻴﺮ ﻭ ﺍﻟﺰﻭﺍﻟﻲ ﻋﻴﺎﺵ .. ﻋﻤﺮﻭ ﻣﺎ ﻳﺤﻴﺮ ﺣﺘﻰ ﺑﺰﻭﺯ ﺳﻮﺭﺩﻱ ﻳﻔﺮﺡ ﻭ ﻳﻄﻴﺮ اما منيش مسامح منيش مصالح .. ﺍﻏﺰﺭﻟﻲ ﻓﻲ ﻋﻴﻨﻴﺎ ﺷﻨﻮ ﺗﺸﻮﻑ ؟ ﺣﺴﻴﺖ ﺑﺎﻟﺮﺑﺜﺔ ﻭ ﺷﻮﻱ ﺧﻮﻑ ؟

ﺣﺴﻴﺖ ﻻﻧﺎ ﻣﺎﻟﺘﻌﺐ ﺑﺎﺵ ﻧﻄﻴﺢ ﻭ ﻧﺘﺒﻌﺜﺮ ﻃﺮﻭﻑ ﻃﺮﻭﻑ .. ﻭ ﺍﻧﺘﻲ ﺟﺎﻳﻨﻲ ﺗﺒﻬﺒﺮ ﻛﻞ ﻣﺮﺓ ﺑﻜﺮﺍﻫﺐ ﺻﻔﻮﻑ ! ﻭ ﺍﻟڨﻠﺐ ﻣﺎﻭ ﻛﺎﺳﺢ ﻣﺎ ﻳﺮﻭﻑ ﻛﻴﻤﺎ ﻟﺴﺮﻕ ﻗﺒﻞ ﻭ ﻋﻠﺊ ﺣﻘﻮﻗﻨﺎ ﻳﺪﻭﺱ ﻭ ﻋﻠﻲ ﻓﻠﻮﺳﻨﺎ ﻳﺤﻮﻑ .. ﺗﻌﺮﻑ ﻋﻤﻮ ﺍﻟﺸﺎﻫﺪ ؟ 

ﺗﻌﺮﻑ ﺍﻟﻄﻔﻞ ﻟﻤﺨﻠﻲ ﻭﺭﺍﻩ ﺍﻣﻮ ﻭ ﻣﺎﺷﻲ ﻓﻲ ﻳﺠﺎﻫﺪ ؟ ! ﺗﻌﺮﻑ ﻫﺎﻙ ﺍﻟﺰﻭﺍﻟﻲ ﺍﻟﻤﺴﻜﻴﻦ؟ ﺗﻌﺮﻑ ﺍﻟﻰ ﻋﻠﻰ ﻛﻠﻤﺔ ﺣﻖ ﻋﺒﺎﺩ ﻣﺘﻌﺬﺑﺔ ﺳﻨﻴﻦ ؟ ﺗﻲ ﺻﺤﻴﺢ .. ﺑﺎﻟﻠﻬﻲ ﻣﻨﻴﻦ ﻟﻴﻚ .. ﺍﻧﺘﻲ ﻣﻨﻴﻦ ﻋﻤﻮ ﺍﻟﺸﺎﻫﺪ ! ﺭﺍﻱ ﺍﻟﺒﻼﺩ ﻓﻠﺴﺖ ﻭ ﺍﻻﻗﺘﺼﺎﺩ ﻃﺎﺡ ﻭ ﺍﻟﻤﺸﺎﻛﻞ ﺑﻴﻨﺎ ﺗﺤﻠﻔﺖ ﻭ ﻳﺰﻱ ﺣﻜﻮﻣﺘﻨﺎ ﻣﻦ ﺩﻳﻮﻥ ﺗﺴﻠﻔﺖ ﻭ ﺑﺎﻻﺻﻼﺣﺎﺕ ﻭ ﺍﻟﺘﻌﻠﻴﻤﺎﺕ ﺍﻟﻔﺎﺷﻠﺔ ﻣﻨﻚ ﺗﻜﻠﻔﺖ ﻳﺎ ﻋﻤﻮ ﺍﻟﺸﺎﻫﺪ ! ﻛﻴﻔﺎﻩ ؟ ﻣﺎﻛﺶ ﺑﺎﺵ ﺗﺴﺘﻘﻴﻞ ؟

ﺗﺤﺒﻨﺎ ﻣﺎﻻ ﻧﺮﺟﻌﻮ ﻧﺒﻨﺪﺭﻭ ﻭ ﺍﻟﻘﺎﻓﻠﺔ ﺗﺴﻴﺮ ! ﻭ ﻧﺮﺟﻌﻮ ﻻﺳﻴﺎﺩﻧﺎ ﻧﻄﺒﻠﻮ ﻛﻴﻤﺎ ﺍﻳﺎﻣﺎﺕ ﺑﻮﺭڨﻴﺒﺔ ﻭ ﺍﻟﺰﻳﻦ ؟ ﻳﺎ ﻋﻤﻮ ﺍﻟﺸﺎﻫﺪ ؟ ﻣﺎﻛﺶ ﻧﺎﻭﻱ ﺗﺴﻠﻢ ؟ ﻭ ﺍﻻ ﺧﺎﺗﺮ ﺍﻟﺸﻌﺐ ﺳﺎﻛﺖ ﻣﺎ ! ﺗﻜﻠﻢ ﻭ ﺍﻧﺘﻲ ﻛﻞ ﻣﺮﺓ ﺗﺰﻳﺪﻧﺎ ﻛﺬﺑﺔ ﻭ ﻋﻠﻴﻨﺎ ﻣﺎ ﻋﻴﻴﺖ ﺗﻔﻠﻢ ﻭ ﺍﻟﻲ ﻳﻐﻠﻂ ﻧﻔﺲ ﺍﻟﻐﻠﻄﺔ ﻣﺮﺗﻴﻦ ﺭﺍﻭ ﻳﺘﻌﻠﻢ ! ﻭ ﻣﻦ ﻋﺎﺙ ﻓﺴﺎﺩﺍ ﻓﻲ ﻭﻃﻨﻨﺎ .. ﻣﻦ ﻣﺴﺆﻭﻟﻴﻴﻦ ﻭ ﺳﻴﺎﺳﻴﻴﻦ ﺧﺮﺑﻮ ﻭ ﻧﻬﺒﻮ ﺍﻟﺒﻼﺩ ﻭ ﺳﺮﻗﻮ .. ﻭ ﻣﺎﻟﻌﺪﺍﻟﺔ ﻫﺎﺭﺑﻴﻦ ﻭ ﻫﻮﻣﺎ ﻳﻠﻌﺒﻮ ﺗﺤﺖ ﺍﻟﻄﺎﻭﻟﺔ ﺑﻌﻴﺪ ﻋﺎﻟﻌﻴﻨﻴﻦ !

ﻭ ﻫﺎﻙ ﺍﻟﺸﻌﺐ ﺍﻟﻤﺴﻜﻴﻦ .. ﻣﻄﺎﻟﺒﻮ ﻓﻲ ﺍﻟﺘﻨﻤﻴﺔ ﻭ ﺍﻟﺘﺸﻐﻴﻞ ﻣﻨﺴﻴﻴﻦ .. ﻋﻤﻮ ﺍﻟﺸﺎﻫﺪ ! ﻫﻮﻣﺎ ﻛﻠﻤﺘﻴﻦ ! ﺧﻠﻴﻨﺎ ﻣﺒﻌﻀﻨﺎ ﻭﺍﺿﺤﻴﻦ ﺻﺮﻳﺤﻴﻦ ﺗﻮﻧﺲ ﺭﺍﻱ ﺑﻼﺩﻱ ﻭ ﺑﻼﺩﻙ ! ﻭ ﻣﻬﻴﺶ ﻟﻌﺒﺔ ﻓﻲ ﻳﺪ ﺍﺳﻴﺎﺩﻙ ﻭ ﺍﺧﻄﺎﻧﺎ ﻣﻦ ﻟﻐﺪ ﻧﺸﺪ ﻛﻼﺑﻲ ﻭ ﺷﺪ ﻛﻼﺑﻚ ﻭ ﺍﻋﻄﻴﻨﺎ ﺍﻟﻘﺮﺍﺭﺍﺕ ﺍﻟﺼﺤﻴﺤﺔ ﻳﺮﺣﻢ ﺍﻟﻲ ﺟﺎﺑﻚ ! ﺭﺍﻭ ﺍﻟﺘﻮﻧﺴﻲ ﻣﻦ ﻧﻔﺲ ﺍﻟﻜﻼﻡ ﻓﺪ ﻭ ﺍﻟﺼﻮﺕ ﻛﻲ ﻳﺨﺮﺝ ﺻﻌﻴﺐ ﻳﺘﺮﺩ ﻭ ﺍﺧﻄﺎﻧﺎ ﻣﻦ ﺍﻟﻤﺰﺍﻳﺪﺍﺕ ﻭ ﺧﻠﻲ ﻧﺤﺎﺳﺒﻮ ﺍﻟﻲ ﻋﻠﻰ ﺍﻟﺜﻮﺭﺓ ﺭﻛﺐ ﻭ ﺍﻟﻲ ﻣﻦ ﺗﺤﺖ ﻟﺘﺤﺖ ﺍﻣﻮﺍﻝ ﺍﻟﺪﻭﻟﺔ ﻧﻬﺐ ﻭ ﺍﻟﻲ ﻋﻠﻰ ﺍﻟﺴﻠﻄﺔ ﻭ ﺍﻟﻤﻨﺎﺻﺐ ﻛﻠﺐ ..

ﻭ ﻃﻠﺒﺔ ﺍﻟﺤﻘﻮﻕ ؟ ﺍﻟﻲ ﻋﻠﻰ ﺍﻟﻈﻠﻢ ﻳﺪﺍﻓﻊ ﻭ ﻳﺬﻭﻕ ﻭ ﺍﻟﻲ ﺗﻀﺮﺏ ﺑﺎﻟﻤﺘﺮﺍﻙ ﻭ ﺍﻟﻌﺼﻲ ﻭ ﺍﻧﺘﻲ ﺗﻘﻮﻝ ﺍﻟﻘﺮﺍﺭ ﺑﺎﺵ ﻳﺘﺘﻔﺬ ﻭﺍﺿﺮﺍﺑﺎﺗﻜﻢ ﻣﺘﻔﻴﺪ ﺷﻲ ﻋﻤﻮ ﺍﻟﺸﺎﻫﺪ ﻃﺎﻟﺐ ﺍﻟﺤﻘﻮﻕ ﺍﻟﻴﻮﻡ ﻟﺘﻮ ﺑﺎﻫﺖ ﻓﻴﻚ ﻣﺼﺪﻭﻡ .. ﻃﺎﻟﺐ ﺍﻟﺤﻘﻮﻕ ﻓﻲ ﺣﻘﻮ ﻣڨﺪﻭﻡ ﻭ ﺑﻌﺪ ﻫﺎﻟﻘﺮﺍﺭ ﻣﺴﺘﻘﺒﻠﻮ ﻣﺤﺴﻮﻡ ﻋﻤﻮ ﺍﻟﺸﺎﻫﺪ ﺍﺧﻄﺎﻧﺎ ﻣﻦ ﺍﻟﻠﻐﺔ ﺍﻟﺨﺸﺒﻴﺔ .. ﺭﺍﻫﻲ ﻣﺘﺠﺪﺵ ﻋﻠﻴﺎ ! يزي ما منيتنا بالديمقراطية 

منيش مسامح منيش مصالح منيش مسلم و منيش معدي و باش نقدم و منيش باش نهدي منيش مسامح