ﺣِﺮﺕ ﻧﻜﺘِﺐ ﻋﻠﻴﮏ ﻭﻻ ﻋﻠﻴﻨَﺎ .. ﻋﻠﻰ ﺣﻠﻤَﺔ ﻋﺎﻳﺸﻴﻦ ﺗﻔﺎﺻِﻴﻠﻬﺎ ﻭﻻ ﻋﻠﻰ ﻭﺍﻗِﻊ ﻳﻌﺬّﺏ ﻓﻴﻨﺎ

ﻭ ﻛﺎﻥ ﺗﺤﺐّ ﻋﻠﻰ ﺍﻟﻮﺍﻗﻊ ﺃﺣﻨﺎ ﺍﻟﻲ ﺻﻨَﻌﻨﺎﻩ ﺑﻴﺪِﻳﻨﺎ ﻭ ﻛﻲ ﺗﻀﻴﻖْ ﺑﻴﻨﺎ ﻧﺼﻴﺤُﻮﺍ ﺷﺒﻴﻨﺎ ، ﻧﻌﻴﻄُﻮﺍ ﻭ ﻧﺼﻴﺤُﻮﺍ .. ﻧﻌﺎﻳﺮُﻭﺍ ﻭ ﻧﺴﺒُّﻮﺍ ﻭ ﻧِﺨﺘﻤﻮﻫﺎ ﺑﺄﺣﻨَﺎ ﻣﺎﻧﺘﻔَﺎﻫﻤُﻮﺵ ...

ﻛﻞّ ﻭﺍﺣﺪ ﻳﻘﻮﻝ ﻣﻦ ﺗﻮ ﺑﺎﺵ ﻧﺸﺪّ ﺛﻨﻴﺔ ، ﭐﺑﻌﺪ ﻋﻠﻴّﺎ ﻭ ﻓﮏّ ﻭﺍﻟﺪﺍﻳَﺎ ... ﻣﺨﻴﺒﮏ ﻋﻠﻴﺎ .. ﺍﺃﻧﺎ ﺑﺎﺵ ﻧﻨﺴﺎﮎ ﻭ ﻧﻜﻤّﻞ ﺣﻴﺎﺗِﻲ ﻭ ﺃﻧﺎ ﻣﺶ ﻣﻌﺎﮎ ..

ﻛﻞ ﻭﺍﺣﺪ ﻓﻴﻨَﺎ ﻳﻌﻤِﻞ ﺭﻭﺣُﻮ ﻗﻮﻱّ ﻭ ﺍﻟﻲ ﺍﻟﺤﺐ ﺍﻟﻲ ﺑﻴﻨﺎﺗﻨﺎ ﻣﺎ ﻫُﻮ ﺍﻻ ﺳﺨَﺎﻓﺔ [ ﺍﻧﺖ ﻗُﻠﺖ ... ]

ﻧﻌﺪﻳﻮْﺍ ﺷﻬﺮ ﻭ ﺍﺛﻨﻴﻦ ﻭ ﺃﺣﻨﺎ ﻧﻤﺴﻜِﻴﻮ ، ﻛﻞ ﻭﺍﺣﺪ ﻓﻴﻨﺎ ﻟَﺎﺑﺲ ﻣﺎﺳﮏْ ﺍﻟﻘﻮّﺓ ، ﻧﻘﻄﻌُﻮﺍ ﺍﻟﺨﻴﻮﻁ ﺍﻟﻲ ﺗُﺮﺑﻄﻨﺎ ﺑﺒﻌﻀﻨَﺎ ﻭ ﻧﻘُﻮﻟﻮﺍ ﻋﺎﻳﺸِﻴﻦ ، ﻳﺴﺄﻟُﻮﺍ ﻧﻘﻮﻟُﻮﺍ ﻣﺘﻬﻨﻴﻦ ..

ﻳﻄِﻴﺢ ﺍﻟﻠﻴﻞ ﻭ ﻧﻮﻟﻴﻮ ﻛﻴﻔﻨﺎ ﻛﻴﻒ ﻛﻞّ ﺍﺛﻨﻴﻦ

ﻭﺟﺎﻳﻊ ﻭ ﻣﺤﺎﻳﻦ ، ﻧﻨﺴﺎﻭ ﺍﻟﺨﺎﻳﺐ ﻭ ﺗﺤﻀِﺮ ﺍﻟﻠﻴﺎﻟﻲ ﺍﻟﺴﻌﻴﺪﺓ ... " ﻣﺎﺳﮏ ﺍﻟﻘﻮّﺓ ﻣﺎﺯﺍﻝ ﺷﺎﺩ ﺍﻟﺼﺤِﻴﺢ " ... ﻳﻄﻮﺍﻝ ﺍﻟﻮﻗِﺖ ﻭ ﻳﻘﺼَﺎﺭ ﻭ ﺃﺣﻨﺎ ﻣﺎﺯﻟﻨَﺎ ﻧﻌﺎﻧﻴﻮْﺍ ﻓﺎﻟﺨﺸَﻢ ﺍﻟﺒﻠّﺎﺭ ، ﺗﻀﻴﻖ ﺍﻟﻨﻔﺲ ﻭ ﻣﺎ ﻋﺎﺩ ﻧﺤﻤﻠُﻮﺍ ﺍﻷﻳﺎﻡ ...

ﺗﺮﺟﻌﻠﻲ ﻭ ﻧﺮﺟﻌﻠﮏ .. ﺃﻭﻻﺩ ﺻﻐَﺎﺭ ، ﺗﺠﺮِﻱ ﻟﻌﻨﺪﻱ ﻭ ﻧﺴﺒﻘﮏ ﻟﻌﻨﺪِﮎ .. ﺗﺮﺟِﻊ ﺭﺣﻠﺔ ﺍﻟﻐﺮَﺍﻡ ... ﻧﺤﺒّﮏ ... ﻧﻌﺸﻘِﮏ ... ﻧﺘﻨﻔﺴّﮏ ...

ﺑﺮﺷَﻰ ﺳﻜﺎﺕ ، ﻳﺪِﻱ ﻓﻲ ﻳﺪﮎ ﻭ ﻳﺪِﮎ ﻓﻲ ﻳﺪﻱ ..

ﻧﺤﻠﻢْ ﺑﻴﮏ ﻭ ﺗﺤﻠِﻢ ﺑﻴّﺎ .. ﻻ ﻧﺸﺒَﻊ ﺑﻴﮏ ﻭﻻ ﺗﺸﺒﻊ ﺑﻴّﺎ ... ﻧﺤﺒﮏ ﺭﺍﮎ ﺳﻜِﻨﺖ ﺟﻮﺍﺟﻴَﺎ .. ﺍﻳﺠَﺎ ﻋﻨﺪﻱ ﻳﺎ ﻛﻞّ ﻣﺎ ﻟﻴّﺎ .. ﺃﻧﺎ ﻋﻠﻰ ﺳﺪﺭﮎ ﻭ ﺍﻧﺖ ﻓﻲ ﺷُﻮﻧﻲ ..

ﺳﻮَﺍﻳﻊ ﺣﺐّ ﻣﺶ ﻟﺤﻈَﺎﺕ ، ﻧﻄﻠﻌُﻮﺍ ﻟﺜﺎﻣِﻦ ﺳﻤَﺎﺀ ﺍﻟﻲ ﺧﻠﻘﻨَﺎﻫﺎ .. ﻧﻄﻠﻌُﻮﻟﻬﺎ ﻭ ﺳﺎﻗﻴﻨﺎ ﻋﻠﻰ ﺍﻟﻘَﺎﻉ

ﻭ ﺗﻮﻓﻰ ﺍﻟﺴﻮَﺍﻳﻊ ، ﺑﺮﺷَﻰ ﺳﻮﺍﻳِﻊ .. ﻭ ﺍﻟﻲ ﺗﺤﺲّ ﻭﺍﻟﻲ ﺗﺤﻜﻰ ﻛﻠّﻮ ﻓﻲ ﺍﻟﻤَﺎﺀ .. ﻳﻌﺎﻭِﺩ ﺍﻟﺼُﻮﺕ ﻳﻌﻠﻰ ﻭ ﺍﻟﺮﺍﺱ ﻳﻜﺴَﺎﺡ ، ﺍﻟﻌﻘﻞ ﻳِﺨﺪﻡ ﻭ ﺍﻟﻨﻔﺲ ﺗُﻨﻔﺮ .. ﻭ ﻧﺮﺟﻌُﻮﺍ ﻟﻨُﻘﻄِﺔ ﺍﻟﺒﺪﺍﻳَﺎ .. ﺃﺣﻨﺎ ﻣﺎﻧﺘﻔﺎﻫﻤُﻮﺵ