ﺧﻠﻴﺘﻨﻲ ﺑﻴﻦ ﻧﺎﺭﻳﻦ ..

ﺑﻴﻦ ﻋﻘﻠﻲ ﻭ ﻗﻠﺒﻲ ..

ﻋﻘﻠﻲ ﺍﻟﻲ ﺑﻴﻪ ﻧﺒﺪﻯ ﺍﻟﻤﺮﺃﺓ ﺍﻟﻘﻮﻳﺔ .. ﺍﻟﻲ ﺗﺮﻣﻴﻚ ﻭﺭﺍﻫﺎ ﺍﻧﺖ ﻭ ﺃﻟﻒ ﻣﻨﻚ ﻭ ﻣﺎﺗﺘﻠﻔﺘﻠﻜﺶ ﻭ ﺗﻜﻤﻞ ﺍﻟﻘﺪﺍﻡ ..

ﻭ ﻗﻠﺒﻲ ﺍﻟﻲ ﺑﻴﻪ ﻧﻜﻮﻥ ﺍﻟﻤﺮﺃﺓ ﺍﻟﻀﻌﻴﻔﺔ .. ﺍﻟﻲ ﻣﺎﻟﻴﻬﺎ ﻛﺎﻥ ﺃﺣﻀﺎﻧﻚ .. ﺍﻟﻲ ﻣﺎﻟﻴﻬﺎ ﻓﻲ ﺍﻟﺪﻧﻴﺎ ﻛﺎﻥ ﺍﻧﺖ .. ﺑﻴﻚ ﺗﻌﻴﺶ ﻭ ﺑﻴﻚ ﺗﻤﻮﺕ

ﺧﻠﻴﺘﻨﻲ ﻣﺸﻮﻳﺔ ﻣﻜﻮﻳﺔ .. ﺍﻟﺪﻣﻮﻉ ﺟﻤﺮ ﻭ ﺍﻟﺮﻭﺡ ﻗﺒﺮ ..

_______

ﺑﻜﻼﻡ ﻣﺶ ﻃﻮﻳﻞ .. ﻛﻼﻡ ﻣﺤﺴﻮﺏ ﺑﺎﻟﺤﺮﻑ .. ﺍﻟﻤﻌﻨﻰ ﻭﺍﺿﺢ ﻭﺿﻮﺡ ﺍﻟﺸﻤﺲ ﺃﻣﺎ ﺃﻧﺎ ﻧﻐﻄﻲ ﻓﻲ ﻋﻴﻦ ﺍﻟﺸﻤﻲ ﺑﺎﻟﻐﺮﺑﺎﻝ .. ﺣﻄﻴﺖ ﻋﻘﻠﻲ ﻋﻠﻰ ﺟﻨﺐ ﻭ ﺗﺒﻌﺖ ﻗﻠﺒﻲ .. ﻗﻠﺒﻲ ﺍﻟﻲ ﻣﺎ ﻣﺮﻣﺪﻧﻲ ﻛﺎﻥ ﻫﻮ ﻭ ﻣﺎﺗﻌﺒﻨﻲ ﻛﺎﻥ ﻫﻮ .. ﻳﻔﺮﺣﻨﻲ ﻟﺤﻈﺔ ﻭ ﻳﺒﻜﻴﻨﻲ ﻋﻠﻴﻬﺎ ﺷﻬﺮ .. ﻗﺎﻟﻲ ﻓﻲ ﺍﻟﺤﺎﻟﺘﻴﻦ ﻣﺎﻋﻨﺪﻙ ﻭﻳﻦ ﻫﺎﺭﺑﺔ ﻣﻦ ﺍﻟﻮﺟﻴﻌﺔ .. ﺟﻬﻨﻢ ﻋﻠﻴﻨﺎ ﺣﻖ ﻭ ﻣﺎﺑﻴﺪﻳﻨﺎ ﺣﻞ .. ﺍﻳﺠﺎ ﻧﻔﺮﺣﻮﺍ ﺍﻟﻴﻮﻡ ﻭ ﻧﺘﺤﺮﻗﻮﺍ ﻏﺪﻭﺓ .. ﺍﻧﻌﻢ ﺑﺎﻟﺠﻨﺔ ﻫﺎﻟﻨﻬﺎﺭﻳﻦ ﻭ ﻣﻦ ﺟﻬﻨﻢ ﻣﺎﻋﻨﺪﻧﺎ ﻭﻳﻦ ﻫﺎﺭﺑﻴﻦ ﻭ ﺃﻧﺎ ﻣﺎﻧﺠﻢ ﻧﺘﺒﻊ ﻛﺎﻥ ﻗﻠﺒﻲ .. ﻣﺎﻋﻨﺪﻱ ﺣﺘﻰ ﺣﻞ ..

ﻃﺮﻳﻖ ﻣﻠﻴﺎﻥ ﺷﻮﻙ ﻭ ﺩﻡ ﻭ ﺃﻧﺎ ﻣﺘﺒﺮﺟﺔ .. ﺍﻟﻌﻴﻦ ﻣﻜﺤﻠﺔ ﻣﺎﻟﺪﻳﻞ ﻟﺪﻳﻞ .. ﺍﻟﻔﻢ ﺃﺣﻤﺮ ﻣﺰﻳﻦ .. ﺍﻟﺨﺪﻳﻦ ﻋﻠﻰ ﻟﻮﻥ ﺍﻟﻮﺭﺩ .. ﻧﻤﺸﻲ ﻓﻲ ﻫﺎﻟﻄﺮﻳﻖ ﻭ ﻧﺘﺒﻨﻦ ﻓﻲ ﻭﺟﻴﻌﺔ ﺑﺮﻳﺤﺔ ﺍﻟﺠﻨﺔ .. ﺭﻭﺣﻲ ﻓﻲ ﺍﻟﺴﻤﺎﺀ ﻋﺎﻟﻴﺔ .. ﺍﻟﻔﻮﻕ ﻃﺎﻳﺮﺓ ﺑﻌﻴﺪ .. ﻣﻊ ﺍﻟﻤﻼﻳﻜﺔ ﻣﺶ ﻣﻊ ﺍﻟﺸﻮﺍﻃﻦ .. ﺍﻟﻔﻮﻕ ﺑﻌﻴﺪ .. ﺃﺑﻌﺪ ﻣﺎﻟﺴﻤﺎﺀ ﻭ ﻣﺎﻟﻨﺠﻮﻡ ﺍﻟﻲ ﺑﻴﻬﻢ ﻣﻐﺮﻭﻣﺔ ﻭ ﺍﻟﻘﻤﺮ ﺍﻟﻲ ﻳﺴﻴﺮﻟﻲ ﻓﻲ ﺣﻴﺎﺗﻲ ..
ﻣﻴﺰﺍﺟﻴﺔ ’ ﻣﺎﺳﻮﺷﻴﺔ ﻭ ﺍﻧﻔﺼﺎﻡ ﻓﻲ ﺍﻟﺸﺨﺼﻴﺔ .. ﺑﻌﺖ ﺍﻟﻮﺍﻗﻊ ﺑﺤﻠﻤﺔ ﻣﺮﻳﻀﺔ .. ﺧﺘﺮﺕ ﻧﻌﺬﺏ ﺭﻭﺣﻲ ﻭ ﻧﻤﻮﺕ ﻣﻊ ﺭﻭﺣﻲ ..

ﺣﻄﻴﺘﻚ ﻧﻜﺘﺔ ﻛﺤﻠﺔ ﻓﻲ ﺣﻴﺎﺗﻲ .. ﺗﻘﻌﺪ ﻣﻌﺎﻳﺎ ﻻﺧﺮ ﺣﻴﺎﺗﻲ .. ﺃﻧﺎ ﺍﺧﺘﺮﺗﻬﺎ ﻭ ﻣﺎﺟﺒﺮﻭﻧﻴﺶ .. ﺃﻧﺎ ﺑﻴﻬﺎ ﺣﺒﻴﺖ ﺍﻟﺪﻧﻴﺎ ﻭ ﻫﻲ ﻣﺎﺣﺒﺘﻨﻴﺶ ..

ﺣﺒﻴﺘﻚ ﻭ ﻣﺎﻧﺨﺒﻴﺶ .. ﻭ ﻟﻮ ﻛﺎﻥ ﻳﺴﺄﻟﻮﻧﻲ ﺑﻌﺪ ﺃﻟﻒ ﻋﺎﻡ ﻧﻘﻮﻝ ﺣﺒﻴﺘﻮ ﻭ ﺣﺒﻴﺘﻮ ﻭ ﺣﺒﻴﺘﻮ .. ﺣﺒﻴﺘﻮ ﻭﺷﻤﺔ ﻓﻲ ﻳﺪﻱ .. ﺣﺒﻴﺘﻮ ﺷﻤﻌﺔ ﺗﺤﺮﻗﺖ ﻭ ﺣﺮﻗﺘﻨﻲ .. ﺣﺒﻴﺘﻮ ﻋﻘﺮﺏ ﺗﻠﺪﻏﺖ ﻭ ﺯﺍﺩﺕ ﻟﺪﻏﺘﻨﻲ .. ﺣﺒﻴﺘﻮ
ﺣﺒﻴﺘﻮ ﺑﻬﺒﺎﻝ .. ﺑﺪﻣﻮﻉ .. ﺣﺒﻴﺘﻮ ﺑﺤﺮﺍﺭﺓ ﺍﻟﺪﻡ .. ﺑﺎﻟﻬﻢ .. ﺑﺎﻟﺼﺨﻂ ..

ﺣﺒﻴﺘﻮ ﻭ ﺑﻨﺎﺭﻭﻭ ﺗﻜﻮﻳﺖ ..