هو ,, يقوم الصّباح و عارف روحو شباش يعمل .. لازمو يعطي رايو في بنات نهارو الكلّ ,, و يحرص أنّو كلّ وحدة فيهم تنطبق عليها معايير معيّنة .. لازمها تكون لاهي عفشة و لا مزيانة ,, في الحالتين تتسبّ

و لازمها تكون مليانة ,, باش يكحّل كيما يحبّ ,, بالطبيعة بعد ما يسبّ .. لازم شعرها مغطّي .. هكّة قال ربّي ,, و كانو عريان نفس الرّبّ يهبط مالسّما لقش .. لازمو يربّاها ,, أما زادة يحبّ الشعر الطويل كي تلعب عليه الرّيح ,,

الشعر المبوكلي ياسر سكسي ,, أما سكسي تحت حسّ مسّ ,, يحبّ يمسّ و كان ما يمسّش ,, الشمس في عزّها تتمسّ .. و تولّي فلانة ,, عريانة .. و اللحم الظاهر منها إهانة ,, باش تتربّى ,, اغتصبها و كي تكمّل امسح فيها يديك

حدّ ما طلب رايك ,, ما اسميش قطوس و اللأحمر اللي فوق الشفايف موش ليك .. ما اسميش قطّوس ,, م و مانيش طفلة ,, أنا عجاجة تعميلك عينيك .. ما نسكتش ,, و كي تسبني نرجّعلك السبّة عشرة ,, مانيش طفلة ,, ما نطبّسش راسي و نسكت ,,نعرف اللي تنجّم تفطّسني ,, أما ما يهمنيش ,, تضرب ,, نضرب باللي عطى الربّ .. و الرب ما عطاكش حقّ تمدّ يديك

يزّي رانا تعبنا .. كرّهتونا في الخرجة و العيشة و في رواحنا .. يزّي .. من حقّي نمشي في الشارع مرتاحة و نخرج وقت نحب في عوض ما نشدّ بيتي قبل الظلام ,, باش سياتك ما تغلطش .. من حقّي نكون سمينة و عندي الكرش ,, كيفك بالضّبط .. من حقّي نكون اللي نحبّ ,, و انا نحبّ نكون عود حطب .. حتّى أنا نقلق و نفدّ ,, كيفك بالضبّط ,, و نحبّ نقعد في القهوة و نقرى كتابي من غير ما نسمع حسّك .. من حقّي نعيش .. بالسيف عليكم ,, و اللي يقلّي يزي نزيد عالقدّام .. و مانيش باش نتهدّ .. سكّر فمّك و حلّ عينيك .. اللي قلّك راك ربّي يكذب عليك

صدّعتولنا روسنا بعبارات مثل دقيقة صمت على بنات تونس ,, و ريقتكم سايلة على بنات الغرب .. الطفلة في أوروبّا تلبس اللي تحبّ من غير ما تخاف من كلامك المشوم و تعاليقك الزّايدة

كي تخرج في شورط ولاّ حتى عريانة حد ما يخزرلها ,, الطفلة ما تسمعش الكلام المرزي اللي يتعدّى عليّا أنا و غيري كلّ يوم .. خاطرها حرّة في حياتها و في بدنها ,, خاطر عندها صوت و خاطر انت و أمثالك موش جزء من حياتها .. أكيد هي أزين ..

و اللي ياخذ فيكم من خارج البلاد ما ياخو كان عزوزة ,, يبيعلها قضيبو بزوز فرنك و تمصّ منّو الرّوح .. و اللي تتغشّ فيه بنيّة و تاخذو ,, تصاحب عليه و الرجولة المزعومة تتكفّن في ورقة ولاّ اتطلقوا و تزيد تفكلوا الصغار ,, خاطر ما تحبّش الجرثومة تتعدّى .. نحبّ نقلك و انت عاطي للذل كارو و ريقتك سايلة على لحمة قاوريّة ,, أومورك,, تسرق تشرب لين ماعاش تفرق بين السّما و الحيط

أومورك .. أزنى ,, أعمل اللي تحبّ ,, أما فكّ عليك من لغة رسول الله و المصلح ,, و اللي تراه راكب على سبركة قلّو مبروك الحصان .. احترموا خصوصيات غيركم ..

_________

يرزيني فيكم