يصير الدنيا تضيق بينا.. و في لحظة ما تعرفش علاها كيفاه يفرجها ربي علينا .. يجي شكون يمسح الدمعة من خدينا .. و يبدلها بتبسيمة و يخرج اللي مخبي و احلی ما فينا ..

يصير حلمة مخبية في تركينة .. تتحقق و تبدل لون الدنيا في عينينا .. تخلينا نفرحو العزاز علينا ..

يصير زادة الوجيعة اللي بالقطرة بالقطرة تقتل فينا .. تبرد و تولي رماد و مع الأيام ننساو اللي هي كانت ساكنة فينا ..

يصير عبد حسبتو الدنيا و قلت نحيا و نعيش كان بيه .. يطلع هو سبب وجيعة و مرار و تندم عالنهار اللي حبيتو فيه ..

يصير كلام قلتو و ما خبيتو يكون باب فرحة و يصير اللي تمنيتو ..

عمرك ما تراهن لا علی فرحة لا علی حب .. خلي قلبك معبي أمل موش ألم .. خلي الضحكة ديما مرسومة و ما تفارقك.. قوي إيمانك بربي و بذاتك .. امن بروحك و قول يجي نهار و نوصل ..

الدنيا قصيرة و عيشتها مرة . .أولها ضحكة و آخرها موت..

يصير ومازال يصير وتبقى طول حياتك صغير.. تتوجع وتنسى .. تحب وتكره .. .. تمرض وتبرى .. يجيو ناس وياخذوا بلاصة ناس ..

أما عمرك لا تمن لا صاحب لا حبيب .. لا عدو لا قريب