يزيني من وحشك
Oumayma Kadry - أميمة قادري أقرب ما تبعدش..
علاش بعدت ما قربتش..
وينك مش نشوف فيك لا في سمايا لا في روايا..
نحب نراك..
وينك شبيك مشيت..
علاش بعدت ما قربتش..
وينك مش نشوف فيك لا في سمايا لا في روايا..
نحب نراك..
وينك شبيك مشيت..
إيجا ماتخلينيش..
و الا نقلك إيجا نكفنك بين كنيني نخبيك... لا نخرجك لا نضويك
لا نحب حد يحكيلي عليك...
و لا انت تحكيلي على روحك و الا على بيك ...
لا نحب نقربك لا نشويك...
لا نحب تمهممشني لا تشدني...
و لا نحب نحبك و لا نتفنن فيك..
نحب نتخيلك كي كل مرة...
تجيني بين جواجيا..
تعبث بيا...
تفرح كي ترا الوحش داير بيا..
__________________
و تقولي..
توحشتك..
توحشت نشوفك من بعيد نلمحك ..
توحشت لحظات من عمري تعداو معاك..
و نفرح..
نفرح كي تخنتب...
نفرح كي تجوجم... و تحب تكتب..
و تكتب..
خماضة مخلوضة ملغمة بيك فيا..
ملونة بالحبر موردة..
تزهي الماشي...
تشد الجاي.. و تشدني...
____________________
نقربلك..
نشد على يديك..
و نجاوبك...
يشهد الرب عليا..
انت سكرة حروفي..
و تخميرة قلبي..
نتفكر عينيك...
غزرتك و ضحكتك..
تبسيمتك ...
كل حاجة فيك..
كل تفصولة تخليني مهووسة بيك..
حتى غناياتك..
باسمك نخليهم ..
في خفاك نخبيهم..
نسمعهم و ما نودهم..
غيرتك عليهم تكفي..
و توفي...
و توحشتك..
________________________
خليني يا طفلة...
سيبني منك اخطاني..
لا نقد نجاوبك..
لا نقد نكون شاعر على ميزانك...
لا نقد نبطل نتوحشك..
خليها منقطة...
فماشي مايتملىء قلبي...
و توحشتك سماك...
_____________
ما تكتبش.. ما تخنتبش..
حروفك ما تعنيش..
خاطرك تفعل ما تحكيش..
توري ما تخبيش..
تمد و ما ترجعنيش...
و كيفاش تحبني نبطل من وحشك مرارة...
و ما نخليك لقلبي صنارة...
و نحطك بين سطوري امارة...
_____________________
إيجا نحسك و تحسني...
إيجا نسرقك من خيالك و دسني...
إيجا نتعمقوا...
إيجا نكونلك و تكونلي لحظة هذه...
بطبيعتها لحظة و تتعدى...
و وحشك يمر و يغدى..
إيجا..
نتشاركوا في حلمة...
و نزيدوا سطرين وحدهم على جنب..
متطرفين محفوزين مختلفين صافين..
سطرين دمدومين...
___________________
هات ايديك حطهم في ايدي...
مسني و شاركني..
و الا نقلك إيجا عنقني...
كون عندي..
يزيني ما كتبت..
إيجا تنفس من نفسي..
و اسرق لمحة من عيني..
كي تعدي ايدك ورا ظهري..
لزني ما تخليش الهواء يمر..
و الا لنفسك يغدى و يمل..
إيجا نوشوشلك كلمة..
نهمسلك حكاية..
حكاية بنين..
تشيخ بصوتي كي يرن بين وذنيك و يحل...
إيجا اسرق كلامي ببوسة مرصوصة..
و اخزرلي و نخزرلك..
و نهزك معايا لريحة كتاب قديم...
ريحة زمنية..
ريحتها في الخشم بنينة...
و نوشمك سر حنين..
و نوعدك في خيالي ما نخليك..
و خليهم ها سطرين نزيدوا كتاب و الا اثنين...
___________
أقيموا الصلاة فالوحش داهم قلوبنا...
و نحب نجيك في منامك نزهيك..
و نعملوهم بعيد عالعينين و عالي واقفين شادين الحساب و الدين...
قريب من هاك السطرين..
و يلعبو الساقين..
و يغزرو العينين...
و لا شكون يقيد و لا يبقى لحد عنا دين..
الوحش كالنار تبربشها تبان..
فالسماء تقول إعصار..
لعل المنام يطفي الجواجي و يبرد الشعلة و في وسطو نزيدك عالسطرين و نقراك مليح عالشيرتين...
و استناني نجيك و فوق راسي شاشية..
باش نلبسك الحطة و الياسمينية..
معلقة بالريحة فايحة..
كاينو المرة الأولى نتقابلو..
هالمرة في المنام و يحلى الكلام...
بحلى الغرام...
غير حضر حبرك...
سكر العينين عالعينين و إيجا نفرغوا الخايبة و نفصلو من الكتب اثنين..
و ضحتك..
خليها في فم الباب تقابلني بريحة السخاب..
________________
ايجاني تو نعرضك بسفاسارية..
و نزيدها وشمة على خديا..
نعرضك بالحملة و التعنيقة..
ايجاني نبخرلك بالبخور و العرعار..
و نزيدهم الكمون..
و نحطك بين العيون و نشمك و نمسك..
نتحسس وجهك و نقربلك..
و نقول توحشتها طلتك...
يا مابهاها حلتك...
ايجاني نعملوهم في وقتنا الزمني..
و ننسوا الكل ورانا...
انت و نا و الخلاء مش لازم دار و الا كراء..
إيجا نحكو باجسادنا..
و نوسموا بوساتنا..
إيجا...
______________
تعرف حاس روحي جاي..
بالقاشبية نجري نلهث..
نخلطلك نلمس عينيا نقرص الحناكي نصدق..
، نتحسسك من جبينك لتحكيلة عينيك...
في لحظة نلقاك في حجري..
نوشملك كيف ناس بكري..
زغاريد في روسنا و روسنا فالخلا..
و الخلا في الرملة و الرملة في ساقيك و ساقيك في صدري و صدري في السما و السما في عينيك و عينيك في عينيا و عينيا فيك و فيك انا عيني...
_______
عيني الي ما تشبه لحد كي جات على خنارك ولات رات
نسمع في الزغاريط من وسط هاك الحوش تخبى لا يشوفك مولى المول..
هز القشابية غطيني بيها..
خليني منك و فيك و عندك نتنسم..
انت يا نايا فيك انت وسطي نايا..
وشملي اسمك على زندي و الا بالك وسط صدري خليه امارة امارتك امانتك ودعتها ليا..
لا نحب و لا نحب عليك..
نحبك بين حروفي تديني..
_________
نعدربنا من هنا و الخلا، الوحش و لا الاذى، و المنامة تغرقنا، لا نحب دربك و لا نحب على ربك
لا نحبك و لا نحب عليك
اما نحب نقراك حرف حرف
و نوشمك كلمة كلمة..
________
امشي يهديك...
يزيني من وحشك..
يخليك...
_____
حاس روحي مشيت من بكري و في وسط النوم و المنامة
بين الخلا و الكتب
حاس روحي مشيت من بكري
و الا نقلك إيجا نكفنك بين كنيني نخبيك... لا نخرجك لا نضويك
لا نحب حد يحكيلي عليك...
و لا انت تحكيلي على روحك و الا على بيك ...
لا نحب نقربك لا نشويك...
لا نحب تمهممشني لا تشدني...
و لا نحب نحبك و لا نتفنن فيك..
نحب نتخيلك كي كل مرة...
تجيني بين جواجيا..
تعبث بيا...
تفرح كي ترا الوحش داير بيا..
__________________
و تقولي..
توحشتك..
توحشت نشوفك من بعيد نلمحك ..
توحشت لحظات من عمري تعداو معاك..
و نفرح..
نفرح كي تخنتب...
نفرح كي تجوجم... و تحب تكتب..
و تكتب..
خماضة مخلوضة ملغمة بيك فيا..
ملونة بالحبر موردة..
تزهي الماشي...
تشد الجاي.. و تشدني...
____________________
نقربلك..
نشد على يديك..
و نجاوبك...
يشهد الرب عليا..
انت سكرة حروفي..
و تخميرة قلبي..
نتفكر عينيك...
غزرتك و ضحكتك..
تبسيمتك ...
كل حاجة فيك..
كل تفصولة تخليني مهووسة بيك..
حتى غناياتك..
باسمك نخليهم ..
في خفاك نخبيهم..
نسمعهم و ما نودهم..
غيرتك عليهم تكفي..
و توفي...
و توحشتك..
________________________
خليني يا طفلة...
سيبني منك اخطاني..
لا نقد نجاوبك..
لا نقد نكون شاعر على ميزانك...
لا نقد نبطل نتوحشك..
خليها منقطة...
فماشي مايتملىء قلبي...
و توحشتك سماك...
_____________
ما تكتبش.. ما تخنتبش..
حروفك ما تعنيش..
خاطرك تفعل ما تحكيش..
توري ما تخبيش..
تمد و ما ترجعنيش...
و كيفاش تحبني نبطل من وحشك مرارة...
و ما نخليك لقلبي صنارة...
و نحطك بين سطوري امارة...
_____________________
إيجا نحسك و تحسني...
إيجا نسرقك من خيالك و دسني...
إيجا نتعمقوا...
إيجا نكونلك و تكونلي لحظة هذه...
بطبيعتها لحظة و تتعدى...
و وحشك يمر و يغدى..
إيجا..
نتشاركوا في حلمة...
و نزيدوا سطرين وحدهم على جنب..
متطرفين محفوزين مختلفين صافين..
سطرين دمدومين...
___________________
هات ايديك حطهم في ايدي...
مسني و شاركني..
و الا نقلك إيجا عنقني...
كون عندي..
يزيني ما كتبت..
إيجا تنفس من نفسي..
و اسرق لمحة من عيني..
كي تعدي ايدك ورا ظهري..
لزني ما تخليش الهواء يمر..
و الا لنفسك يغدى و يمل..
إيجا نوشوشلك كلمة..
نهمسلك حكاية..
حكاية بنين..
تشيخ بصوتي كي يرن بين وذنيك و يحل...
إيجا اسرق كلامي ببوسة مرصوصة..
و اخزرلي و نخزرلك..
و نهزك معايا لريحة كتاب قديم...
ريحة زمنية..
ريحتها في الخشم بنينة...
و نوشمك سر حنين..
و نوعدك في خيالي ما نخليك..
و خليهم ها سطرين نزيدوا كتاب و الا اثنين...
___________
أقيموا الصلاة فالوحش داهم قلوبنا...
و نحب نجيك في منامك نزهيك..
و نعملوهم بعيد عالعينين و عالي واقفين شادين الحساب و الدين...
قريب من هاك السطرين..
و يلعبو الساقين..
و يغزرو العينين...
و لا شكون يقيد و لا يبقى لحد عنا دين..
الوحش كالنار تبربشها تبان..
فالسماء تقول إعصار..
لعل المنام يطفي الجواجي و يبرد الشعلة و في وسطو نزيدك عالسطرين و نقراك مليح عالشيرتين...
و استناني نجيك و فوق راسي شاشية..
باش نلبسك الحطة و الياسمينية..
معلقة بالريحة فايحة..
كاينو المرة الأولى نتقابلو..
هالمرة في المنام و يحلى الكلام...
بحلى الغرام...
غير حضر حبرك...
سكر العينين عالعينين و إيجا نفرغوا الخايبة و نفصلو من الكتب اثنين..
و ضحتك..
خليها في فم الباب تقابلني بريحة السخاب..
________________
ايجاني تو نعرضك بسفاسارية..
و نزيدها وشمة على خديا..
نعرضك بالحملة و التعنيقة..
ايجاني نبخرلك بالبخور و العرعار..
و نزيدهم الكمون..
و نحطك بين العيون و نشمك و نمسك..
نتحسس وجهك و نقربلك..
و نقول توحشتها طلتك...
يا مابهاها حلتك...
ايجاني نعملوهم في وقتنا الزمني..
و ننسوا الكل ورانا...
انت و نا و الخلاء مش لازم دار و الا كراء..
إيجا نحكو باجسادنا..
و نوسموا بوساتنا..
إيجا...
______________
تعرف حاس روحي جاي..
بالقاشبية نجري نلهث..
نخلطلك نلمس عينيا نقرص الحناكي نصدق..
، نتحسسك من جبينك لتحكيلة عينيك...
في لحظة نلقاك في حجري..
نوشملك كيف ناس بكري..
زغاريد في روسنا و روسنا فالخلا..
و الخلا في الرملة و الرملة في ساقيك و ساقيك في صدري و صدري في السما و السما في عينيك و عينيك في عينيا و عينيا فيك و فيك انا عيني...
_______
عيني الي ما تشبه لحد كي جات على خنارك ولات رات
نسمع في الزغاريط من وسط هاك الحوش تخبى لا يشوفك مولى المول..
هز القشابية غطيني بيها..
خليني منك و فيك و عندك نتنسم..
انت يا نايا فيك انت وسطي نايا..
وشملي اسمك على زندي و الا بالك وسط صدري خليه امارة امارتك امانتك ودعتها ليا..
لا نحب و لا نحب عليك..
نحبك بين حروفي تديني..
_________
نعدربنا من هنا و الخلا، الوحش و لا الاذى، و المنامة تغرقنا، لا نحب دربك و لا نحب على ربك
لا نحبك و لا نحب عليك
اما نحب نقراك حرف حرف
و نوشمك كلمة كلمة..
________
امشي يهديك...
يزيني من وحشك..
يخليك...
_____
حاس روحي مشيت من بكري و في وسط النوم و المنامة
بين الخلا و الكتب
حاس روحي مشيت من بكري
أميمة قادري
Website Design Brisbane