ياما راهم ذبحوني ..

Nozha Moatemri - نزهة المعتمري

ياما راهم ذبحوني ..

ياما راهم ذبحوني ونا طفل صغير معملتش ادوني

ياما راهم ذبحوني ..قتلوني وعلى معزاتي بعدوني

ياما راهم ذبحوني .. لا بابا وزير لا عمي رئيس .أما كل شمعة طفوني ..

ياما راهم ذبحوني ..مل وريد للوريد ووصلك راسي هاك لوليد ..

شبيك تبكي ياما ؟تبكي عليا ؟؟ لا متبكيش نا لجنة تستنى فيا ..

شادة صحيح بش تبكي ؟؟

مالا ابكي ونوحي أما مش عليا ..نوحي على معزاتي لعزاز عليا ..وعلى عمري إلي عديتو سارح فالثنية ..

ابكي عل اكابرية إلي فالمجلس عل زوالي تحامي ..أما كي يتقتل تقتل لغرزة وتتسبل ..

ابكي عل ثورة عملها ازوالي ..أما إستنفع منها لوزير والوالي .

ابكي على جائزة نوبل للسلام ..خذيناها أما لارهاب زاد على قدام ..

وبعد هذا لكل ابكي عليا و أما مش ياسر راهي دمعتك عزيزة عليا ..

بقلم نزهة المعتمري