ياخي شمعناها كلمة عيب و حراام ؟؟

انا يمكن نعرفش نفس الي تعرفوه عالمعجم متاع العيب و الحرام ..

اصلا زعما تعرفو شمعناها الفرق بين العيب و الحراام ؟؟

انا يمكن نعرفش نفس الي تعرفوه عالمعجم متاع العيب والحرام ؟؟ ..

زعمااا كيف تحكي على غيرك و هوا موش بحذاك و تفتي في تصرفاتو (عمل هكا خاطروا يحب يكون كذا و كذا والخ الخ الخ ) هذا عيب والا حراام ؟؟

زعماا وقت نعيبو على حاجات و من غدوة نعاودوهم نفسهم لكن بطريقة ألطف شوي .. هذا عيب والا حراام ؟؟

زعماا كيف تتغشش من عبد و تسمملوا بدنو بكلام ما يقبلو حد .. كلام يوجع .. يجرح .. يدڨدڨ روحك دخلاني .. وباعد يطلع سوء تفاهم و ما تتطلبش السماح .. هذا عيب و الا حراام ؟؟

و زعما يا زعماا كيف نشوفو بنية لبست و نقولو لبسة خاطر معاها عكست و تحب توري الي عندها و نعملو بالبنية طاولة و اربع كراسي .. هذا عيب والا حراام ؟؟

و كيف ولد يطول شعرو و يعمل بشرعو و نقولو تي ماهو كذااا و كذاا (سكة شمال يعني ) هذا عيب والا حراام ؟؟

أنا يمكن ما نعرفش العيب و الحراام و منعرفش معناها .. لكن الي نعرفو إلي العيب هوا إنك توجع بكلمة يمكن تقولها من غير ما تفهمها لكنها تنجم تدمر عبد في لحظة (الوجيعة تقويك) وانت ما تفطنش .. العيب انك تشهر بعباد و صنايعهم و انت تعرفش نيتهم .. العيب انو نعرفو الحقيقة و نتلفو جرتها و نعمو الي لوجوا عالحقيقة .. العيب انك تعمل العيب و تقول لغيرك عيب عليك تعمل هكا ..

العيب في معاملاتنا و في تصرفاتنا مع بعضنا .. العيب كل يوم نعملو فيه و احنا نتلفوا ..

ياخي شمعناها ؟؟

كيف تسإلها لروحك حاول معاش تعمل العيب .. وقتها تو تبعد ع الحرام ...

إيمان العربــي