يا مخدة
Souha Najlawi - سهى نجلاويلوكان تتكلم المخدة
تحكي علي صايرلي من مدة
أسرار و حكايات
فرحة مليانة ضحكات
و غصة بين البكيات
آااه لوكان تتكلم المخدة
تحكيلك علي ع الراس تعدى
و ع القلب اللي من كثر برودك ندى
و على الفرحة بحمورية هاك الوردة
آاااه يا مخدة شخص كان تتكلم
تحكيلو على قليبي كيفاه تألم
تحكيلو على عيني إلي في لحظة للدمعة تسلم
و على قلبي إلي عمرو فيه ما يسلم
آاااه منك يا مخدة
ليلة شايحة و ليلة مبلولة
و في كل ليلة أنا مهبولة
ليلة هبلتي دلولة
و ليلة على مخدتي دمعتي مشلولة
ليلة نجمة ضوايا
و ليلة كفلة صغيرة بكايا
ليلة سلطانة مغرورة
و ليلة بغصتي مقهورة
يا مخدة ليلة مبلولة بدموع الفرح
و ليلة غارقة بدموع الجرح
و ليلة على ليلة الليل يتعدى
خالي من صحبتك يا مخدة
يا مخدة قول و صرح
أحكيلو على جرح قليبي المقيح
و على الدمع اللي خلا خدي مجرح
قلو هو يكسر و أنا نصلح
أحكي يا مخدة و صرح
أحكي و ما تخلي شيء مخبي
أحكيلو ع القلب إلي بالهم معبي
أحكيلو ع الضحكة اللي بيها دمعتي نخبي
أحكيلو و شيء ما تخبي
بقلم سهى نجلاوي
Website Design Brisbane