يا كلمة منسية
Ali Cheikh - علي الشيخما بنّك يا طفلة ومابنّ كلماتك
ومحلى ضحكك و سكاتك
و المحرمة إلي لفّت شعرك قداش وتاتك
انت الملايكة إلي تحضرلي ساعة القضى
وانت غطايا فالشتا
ايجا نهزك لبعيد للخلى
و نقعدو تحت شجرة و ننساو همنا والبلى
و نكونلك العلّة والدوى
و نبوسك بالجهار فالنهار و نغطّيك فالغفى
و نسرق من شفايفك بوسة فالخفى
يا روح طايرة فالسما
يا طير ما يغلبو هوى
ايجا ندورو في زناقي المدينة
و نحصرك في تركينة
و نعطيك بوسة بنينة
و نحملك ندور بيك في كل ثنية
نصيح بالصوت العالي
هذي السمرة الغنجية
هذي الطفلة إلي حلمت بيا
و زهّاتلي أيامي و ضوّاتلي لياليا
يا كلمة منسية
يا تبسيمة عسل فالصبحية
وياريحة فاوحة كي نوار عشية..
علي الشيخ
Website Design Brisbane