يا جبل ما يهدّك ريح
Hiba Mezni - هبة المازنيأسكت..
أسكت واسمع البحر
كي يبدا يعيط ويصيح
يتملا ويشيح
يحلا فيه العوم و التبحبيح
أما وقت الجد جد, ووقت الصحيح صحيح
أعطي وذنك للموج
ورتّح مخك الممروج
.. وخرج منو هبجوج وميجوج
واسمع الخبر والتصريح
اعلن البحر الغامض عن وجود غريق طريح
مراسم الدفن امس اسود وفي المساء اخراج الضريح
الهوّية مجهولة لكن اللسان قبل الغرق فصيح
مبتكر مكبّر متكبّر
"يا جبل ما يهدّك ريح.. يا جبل ما يهدّك ريح.."
غمّض عينيك وشوف الدنيا واللي فيها
شوف اصحابها ومّاليها
شوف الخير الي معبيها
والقمرة الي تضويها
وولادها اللي يخافو عليها
شوف الي ما يتراش بالعين
شوف الفن
اسمع الفن
احكي الفن
مس الفن
عنّــق الكفن
.. وتغطّى مليح ودندن:
"يا جبل ما يهدّك ريح.. يا جبل ما يهدّك ريح.."
بقلم هبة المازني
Website Design Brisbane