طول عمري ترّبيت نعرف ولد الحومة هو الخو كان معندكش خو؛ هو البو كي يغيب هو الصاحب إلي عشرتكم بدات من قبل ما تتولدو...هو إلي ياقف معاك و في ضيقتو يلقاك ؛ تتعدى الأيام و السنين بلعبة و ضحكة سهرية في الحومة تبحيرة في الصيف

عمرك ما تشك نهار يغدرك يخونك ولّ يجبيد بيك علا خاطرو يخاف عليك من روحو و كي تغلط يصلحك ينصحك ما يخليهاش بيك راك .. لخت و الصاحبة و كان لزم الحب .. أما هو حاجة أخرى دنيا أخرى .. مش كيما ولاد لحومة لخرين ما نعرفوش ؛ ما عاشرتوش ...

نسمع بيه سمع عمري ما شفتو حكاولي عليه وصفوهولي(طول و زين ؛ تربيا و تطبيعا حاجة أخرى   ... بدات لحكاية بغزرة .. فايسبوك..بلا بلا بلا والينا صحاب .. حسيتو بدا يتقرب يا ولد الناس كان عندك شكون أخطانا .. لا ماعنديش إنت عجبتني ؛ محلاك

ولاو تاليفونات كل ليلا كلام و كلام بديت نطيح بديت نحن بديت نخاف عليك بديت نحلم زعما تختف معاك زعما نوصلو لحاجة .. خدمتك صعيبة يضحي معاك نصبر نتحمل ... قالي محلاها حكايتنا ولاد حومة مانعرفوش بعضنا حبينا بعضنا في سيكريتو حد ما فيبالو يجي نهار يعرفو يتصدمو عديناها عليهم اما يفرحولنا يغنيولنا يشطحولنا .. جا نهار انا تصدمت ...عديتها عليا ..صح ليك حبيتك ..حسيتك كان انت تفهمني

اما فرحتلك ... طلعت خاطب !!! عام راقدة و نحلم بيك نتخيلك راجلي و بو صغاري ..تعرفها اربعة سنين ؛ تخدم معاك .. بكيت حسيتها ماتوقعتهاش منك انت ... ربي يهنيك كيف انت خترت علاه تكلم فيا لتوا و نفس كلامك متع قبل .. علاه تذكر فيا بيك خلينا ننساك .. ابعيييد اخطآآانيي