ولد بلادي إرهابي
Raoua Ben Chalbia - روعة بن شلبيّةللدّرجة هاذي ما ثمرش فيك ...لا تربية أمّك لا تعب بوك ؟
لا ريحت بلادك، لا حكايات جدودك ؟
علاش المذلّة...علاش موتة الكلاب... علاش التّمرميد
! علاش أكّاكة مطيّش فالكيّاس ، حوايجك مقطّعة ، دمّك يجري و النّاس تصوّر فيك
! تي وينو مخّك ؟ وينو إيمانك ، وينو حلالك و حرامك
! نسيت شكانو يعلّمو فينا وأحنا صغار ؟ كيفاش لازم نحبّو بعضنا و منضرّو حدّ
هذا الكلّ ما جاش بين عينيك ؟
! علاش شوّهت تصويرتك ، تصويرت عايلتك و بلادك إلّي وفّرتلك كلّ شيّ
بلادك ؟ خلّيني نقول بلادي خير ، بلادي إلّي في مكاتبها قريت ، في حومها لعبت و جريت و في سبيتاراتها داويت
و في الٱخر خنت اهلك و إمّاليك ، خنت بلادك... تراب جدادك
خنت الزّناقي إلّي تربّيت فيها ، داركم إلّي أمّك فيبالها باش تخرّجك منها عروس
علاش يا ولد بلادي علاش ؟؟
روعة بن شلبيّة
Website Design Brisbane