وتوفى الغناية
Hanene Bennouri - حنان بالنوريوتوفى الغناية
و بحرارة الروح نرجعلك
نرجعلك بوجيعة صبية
بغصرة مراة بش تخرج وليدها
نرجعلك بالكلمة و السطر
بعينين مكحلهاش النوم
بشمعة طفات في شتاء بعيد
نرجعلك رجعة متوفاش متتحكاش متتنساش
نرجعلك بسنين متنجم كان تبدل
تكسر تهد و تعاود تبني
نرجعلك و نخلي الي تعدى ورايا
...
نرجعلك منغير سكات
منغير اكا السيناريو متع مشني بش نسلم فيك
نرجعلك و نهرب بيك
نهرب بالدنيا و نضحك عليك
نرجعلك ...وسوالف شعري حييو بلون الشمس
و ضحكة لقمر
فيبالك اكا الغشيرة بش تسلم فيك ...
واكا الزمان اللي هزيتني فيه بمقص النار ...
واكا لعمر الي ضاع
الوجه معاش فيه ...
نخليه....
ناخو عمر أخر و نعيش بيه...
و مقص النار لمرة هاذي انا نهزك بيه ...
حنان بالنوري
Website Design Brisbane