والديك
Khawla Jbeli - خولة الجباليالغربة لا هي احساس بالوحدة وسط ناس و لا هي حيرة مشاعر و احساس
كلو كلام فارغ مبني بلاش ساس
الغربة كي تبعد على والديك
كي تحس بتعبهم عليك
و كي تعرف اللي لا ينفعوك صحابك لا ماليك
خاطر الكلهم يسألو عليك
أما شوية و ينسوك
بسهولة يتعودوا على بعدك
أما والديك..
عمرهم ماينسوك
في كل لحظة يفتقدوك
يخموا عليك
ليل مع نهار ما يغفلوش عليك..
في أبسط الأشياء يتفكروك..
و ما يتمنولك كان الخير و الهناء
لا يحسدوك و لا ايغبطوك..
بالعكس ديما معاك ايشجعوك..
دعواتهم اللي ترفعها الملايكة للسماء
و ضحكتهم اللي كلها حب و رضا
رد بالك تنساهم ..
ارفعلهم روسهم
و خليك بار بيهم
فرحهم و نسيهم في تعبهم و شقاهم
و رد بالك تنسى اللي هادوكم والديك
بقلم خولة الجبالي
Website Design Brisbane