و توحّشتك ..
Syrine Rhouma - سيرين رحومة..نتفكر
نتفكر اول مرة كيف ريتك
نتفكر اليوم الي حبيتك
خفت عليك و في قلبي حطيطك
نتفكر اول مرة غزرتلي في عينيّا
نتفكر يدك لي كانت في البرد إدفيلي إديا
نتفكر الغيرة لي عماتك و خوفك عليا
.... توحشت وجودي لي كان يزهيك
توحشت الساّعة لي قربتني ليك
و كل بلاصة جمعتني بيك
توحشت اللهفة في عينيك
و الضحكة لي تواتيك
و نقعد نتفكر
....
نغمة صوتك لي كل صباح نفيق عليها
كلمة نحبك من فمك ، لي تنسيني في الدنيا و ما فيها
بلادك إلي كل ما يضيق الحال تضحكني بيها
و كل حاجة صعيبة عرضتنا .. انا وياك تعديناها
ذكريات حلوة خبيتها في قلبي و عمري ما ننساها
....
و نبقي حياتي نتفكر و عمري ما ننسى
اول مرة كيف ريتك
اليوم الي فيه حبيتك
حطيطك تحت جناحي و بحرارة قلبي دفيتك
خبيتك في جواجيّ خفت عليك و حميتك
و من حبي ليك نحيت من لحمي و عطيطك
و نتفكر و نقعد نتفكر
هبالنا و جونا و قعداتنا
و كل لحظة ضحكنا عليها و زهاتنا
و كل حكاية مُرّة عشناها و بكاتنا
.....
يا ليت ترجع بينا ليام
و حكايتنا ترجع حقيقة و ما تبقاش كلام
و نضحك من قلبي و ننسى الواقع المكفن بالاحزان
....
توحشتك
و توحشت اليوم إلي فيه ريتك
اليوم إلي فيه حبيتك ..
الناس بطوال المدّة تنسى
و انا تعدا عليا الدهر و عمري مانسيتك ...
بقلم سيرين رحومة
Website Design Brisbane