هيا بركا نمشيو
Rim Wrak - ريم ورقوقتلي تفد و تضربك الحيوط
تعدي نهارك تتفرج فالسقف و العنكبوت
وقتلي تضيق بيك الدنيا
و يحصروك في هاك البنيا
وقتلي يغدرك لسانك
و يبيعك قلمك و تضيع حروفك و تنسى اسمك و اخر مالوف غنيتو و يبدلك لي قلت حبني و حبيتو
وقتلي تبدا سكران و جيبك بالهوا مليان و انتي ولد الجنوب تبات الليل جيعان
تشق الوديان و تمشي للحبيب و بحثا صنبتو و حصانو و في شارعو
نهبط راكع عالسقين
نعبد في صنبتو و نترحم عليه
(نكذب في قلبي ندعي عليه
نشاالله يا ربي تجد عليه )
يالحبيب يالحبوب هاني نستنى
ايا خلي السماء تصب فلوس
فماش ما تصفى النفوس
و نرجعلك نهار صنبتك نبوس
جهويات و فازات
وقتلي يطفيك الحبيب
و تفد مالهم
و يمكنك الغل
تبعني ما تندم
لم شلاڨاتك و ملاڨاتك
بوس جبين لي رباتك
تبعني و هيا للجبل
و فالثنية نغنيو عاللي رحل
انسا لي غدر
و هيا انصبلنا خيمة و لا ثنين
و لم الحطب و شعلو
و انا في عينيك بخيالي نسرح
و نغنيلك
ديرني في بالك
ياللي بهواك
انا قلبي اختارك قلبي اختارك
وما سبت ادوة
اليوم راك معايا
وغدوة يدرا
دي حوال الدنيا
حوال الدنيا
حلوة و مرة
....
نغنيلك لين تفشل و تغمض العينين
و نتفرتو في خيمنا لثنين
و في ظلام الليل
نبوسك مالخدين
و تحل العينين و نقلك نخاف
تبوسني بوستين اخرين بين نومين
حلمتين
تعنيقة و بوستين
و تفيقني و تقلي هيا
نشدك ماليدين
و بفحم اكا الحطبتين
نكتب على حجرتين
اسامينا لثنين
و تقلي هيا
و مانسئلك لوين
هيا بركا نمشيو
ريم ورق
Website Design Brisbane