هات نقلبو الآدوار
Imen Ayari - إيمان العياريهات نقلبو الأدوار..
إنتي تستناني و أنا مانجيش ..
أنا نتغشش ونتي ترضيني و تزيد تمسحلي دمعة عيني
و ماعاش تفرح من غيري ..
أنا نعيش حياتي ونتي تتقهر على سكاتي ..
أنا نتجاهلك ونتي تضعف من غيري
و كل يوم تموت على رحيلي ..
أنا نرجع نحي، نرجع نفرح كي قبل ونتي على بعدي تتقهر ..
نتي تتوحش ضحكتي و كلامي وأنا بيك ما عمبالي ..
هي خير مني !! نزين على خاطرك
على خاطرك كنت مستعدة نبيع الدنيا و ما فيها ..
آما خسارتك ما تسوى جفيها ..
أنا لي حلفت على حبك ..
وقداش تمنيت نكون بجنبك..
أنا لي تمنيتك تكون حذايا ..
آما إنتي لحنت فراقنا في غناية ..
كنت تقلى كي نرى ضحتك جرحي يبرى ..
آما خسارتك ما تسوى..
كنت تقلي يد ما نتعاركو عمرنا ما نبعدو..
كلام في كلام .. على هجري كنت ملهوف..
ما كذبش لي قال بين الحب و الكره هفهوف..
ستنيتك ليالي و ما جيتنيش
بعمري ما حزنت علي فات ..
بعمري ما قلت الدنيا وفاة..
علاش أنا لي نتوحش .. أنا لي نبكي..
ونتي عايش فرحان من خيري..
هاذي أول مرة نكتب عليك..
تمنيتها تكون في خاطر حبي ليك..
نوعدك لا عاد نقلقك بكلامي..
نوعدك ماعاش نراك في منامي..
كي إخترت الهجر ڨوم برا أهجر..
نوصيك إذا هجرت غير أنساني..
ماعاش عيني فيك..
مع كل لحظة تتعدا تزيد تكرهني فيك..
صحيح عشت على خيالك..
آما الجديدة تعاملهاش كيفي وربي يخليهالك..
قلها قداش كنت تحبني..
قلها كيفاش ما كنتش ترقد إلا ما تسمع صوتي
زعمة تحبك قدي !!
ميسالش ربي يهنيك ..
رسمت حياتي من غيرك ..
شكونك نتي بش نموت بعد رحيلك..
مشيت نتي يتمناني غيرك .
آما أنا مش كيفك يا خاين..
بش يبقى إحترامي ليك باين ..
إيمان العياري
Website Design Brisbane