دخلت من الباب لكبير، حرت شبيها الدنيا بيضا، برشا ناس ممدودة وما فما حتى حس..

هذا ممدود بجنب هذاكا، وهذاكا ممدود بجنب هذيكا، خفت وقلبي بدا يدق بالقوي، سألت روحي" زعما حسو بيا وأنا بجنبهم؟ زعما يعرفو لي فما شكون جا يطل عليهم!"..

مشيت شويا وصلت وين يرقد بابا، وقفت شويا وبعد قعدت بجنبو،

عندي برشا ما طليتش عليه، أنا نحكي وهو ساكت، ناديت ناديت يا بابا أنا جيهان ناديني وقلي توحشتك اكثر ما إنت متوحشتني،

زدت حكيت وقتلو"يا بابا قاعد تسمع فيا، أنا نجحت عمناول في الباك وتوا نقرا في الجامعة، نعرف لي إنت تسمع فيا وتضحك فرحان بجيهان لي كبرت وتحققلك حلمك، إي انا يا بابا نقرا حقوق .. نعرفك تحبها اما تكره السياسة، وأنا نحبك واكبر محامية إن شاء الله نكون،

أمي بجنبي، روحك معايا، خواتي ما يخلونيش معايا في كل خطوة..

نكبر يا بابا ونهزلك راسك لفوق، نكبر وتفرح بيا وتقول "يا رب هاذي بنتي، بنتي يا رب"