نغير عليك من الشمس، من نسمة هوا، من قطرة ماء، من ضوء يعكس لون عينيك ، من مطر تبل شعرك و يديك ،من عين تراك بالصدفة ،من الي يمسك و يتعدى ،من الي يضحكلك لا من الي يتبسملك، من الي يناديلك باسمك،

نغير عليك من الي يقربلك، من الي يتنفس بجنبك، من الي يجيب سيرتك ،من الي يسمع صوتك ،من الي يمشي على ترابك ،من مرايه تشوف عليها وجهك؛؛

نغير عليك من وقتك الي منكونيش فيه ؛ من وقتك الي آنا منيش فيه ؛ من كل لحظة تخمام تاخذك بعيد عليا ؛

نغير عليك من صحابك من مشاكلك من خدمتك.. من الزمان الي تعديه بلاش بيا تحاول وحدك ترجع فيه ليا ؛ من زمان طوييل من غيرك عياني تعبني و بكالي عينيا ؛؛

نغير عليك من دنيا بعدتني عليك ..من دنيا قربتلك الغريب و خلاتو عزيز عليك ..من دنيا حرمتني منك من حضنك و من عينيك ..

نغير عليك ملي يقلك نحبك و يكذب و يكذب عليك مفماش شكون قدي يحبك و بالدنيا يشريك ..

والله نغير عليك منك عليك.. نحلفلك بربي الي حبك في قلبي باقي و حتى كان تعبت و جرات عليا الايام نعرف الي فما كان الخير القدام.. آنا و انت..

نحبك..