مش كل شي نحبوه ناخذوه...

مش كل شي تعملو باش تكون ديما راضي عليه ...

مفماش حاجة إسمها سعادة مطلقة ...

فما نهارات تكره كل شي... الضروف ..العبااد.. البلاد .. عيشتك .. و هذي حاجة عادية الإنسان بطبيعتو ديما يلوج عالمخير و يغزر لفوق ..

الدنيا عمرها ما كانت المدينة الفاضلة .. باش ييخونوك و يحكيو في قفاك باش يعرضوك ناس تحفرلك وتتمنااالك الشر لله في سبيل الله ...ساعات مخك يوجعك و تغم على راسك وو تمرقد خاطر أحلامك و طموحاتك أكبر برشا من فلوسك و واقعك و مستواااك التعليمي ..

إنت تستخايل الفلوس هي االسعادة ..وو هوني يجي الفرق بين الناس .. فما ناس باش تقمر تبيع روحها تسرق تتحيل ..صحيح باش تاخو الفلوس أما تدخل في دوامة متع تحب تزيد ومن شيرة صراع بينها و بين روحها خاطر تحتقر عيشتها و شخصها ..و ندخلو في إدمان الشراب و المخدرات ...ناس أخرى تقعد تلوم في الضروف في شببي كان أنا و عمرها متقدم و باللي تعمل ديما تلوم و تتشكى .. و آخرها دوا الأعصاب ...

فما حاجة إسمها قناعة..فما حاجة إسمها تأقلم مع اللي إنت فيه ... تامن اللي باش توصل رغم كل شي ...فمااا أسباب و مسببات و ربي أعلم باللي صالح لينا .. و يجيك نهار و تقول كان كنت كي حبيت ممكن راني معنديش الحاجات اللي عندي تو ..مادمك تتنفس مادامك مازال الطريق طويل قدامك و متعرش ربي شمخبيلك ..

تعلموا إحمدو ربي و توكلو عليه و على مخاخكم ...السعادة لازمها فلوس أما مش كان االفلوس و برا شوف كيفاه بداو اناس الناجحة .. و شكونهم الناس السعداء بلحق ..

تعلموا عيشو و حبو رواحكم كيما إنتم... السعادة في الحاجات البسيطة و الحمد الله على نعمة النسيان